"Qəbələ" futbol klubu Azərbaycan milli komandasının üzvü Təmkin Xəlilzadəni sıralarına qatıb. YeniAvropa kluba istinadla xəbər verir ki, son klubu "Zirə" olan 24 yaşlı yarımmüdafiəçi ilə 2,5 illik müqavilə imzalanıb.
T.Xəlilzadə indiyədək "Qarabağ", AZAL və "Zirə"nin heyətində çıxış edib. Mövsümün ilk yarısında 4 qol vuran futbolçu, iki dəfə də məhsuldar ötürmə edib. Ümumilikdə isə yarımmüdafiəçi Premyer Liqada 68 oyunda 5 qol vurub. O, Azərbaycan milli komandasının dünya çempionatının seçmə mərhələsi çərçivəsində San-Marino və Almaniyaya qarşı keçirdiyi oyunlarda meydana çıxıb. Almaniya ilə oyunda vurulan yeganə qolun ötürməsi onun aktivinə yazılıb.
2674
2674
