Əməkdar artist Niftulla Fətulla oğlu Əsgərov uzun sürən xəstəlikdən sonra 2024-cü il yanvarın 22-si səhər saatlarında vəfat edib.
YeniAvropa xəbər verir ki, bu barədə Lənkəran Dram Teatrından məlumat verilib.
Qeyd edək ki, Niftulla Əsgərov 5 iyul 1959-cu ildə Lənkəran rayonunun Girdəni kəndində anadan olub. 1995-ci ildən Lənkəran Dövlət Dram Teatrının aktyoru kimi çalışıb.
Teatrın səhnəsində, eləcə də bir sıra serialda yaddaqalan obrazlar yaradıb.
2014-cü ildə teatrın inkişafında xidmətlərinə görə Mədəniyyət Nazirliyinin "Fəxri mədəniyyət işçisi” döş nişanı ilə təltif olunub. 2018-ci ildə Azərbaycan Respublikasının Əməkdar artisti fəxri adına layiq görülüb.
Allah rəhmət eləsin!
630
630
