ABŞ Rusiyada prezident seçkilərinə müdaxilə etməyi planlaşdırır-Narışkin
Rusiyanın xarici kəşfiyyat xidməti ABŞ-nin mübadilə proqramlarının rusiyalı məzunlarını ələ almağı planlaşdırdığını açıqlayıb.
YeniAvropa xəbər verir ki, Rusiyanın xarici kəşfiyyat xidmətinin mətbuat bürosu qurumun direktoru Sergey Narışkinə istinadən ABŞ-nin mart ayında Rusiyada keçiriləcək prezident seçkilərinə müdaxilə etmək üçün Amerika mübadilə proqramlarını bitirmiş ruslarla işi gücləndirmək niyyətində olduğu barədə məlumat yayıb.
“Rusiya xarici kəşfiyyat xidmətinin direktoru Narışkin bildirib ki, quruma daxil olan məlumata görə, Rusiyada prezident seçkiləri yaxınlaşdıqca ABŞ-nin hökumət strukturları demokratik prosedurlara qeyri-qanuni müdaxilənin getdikcə daha təkmil üsullarını icad edirlər. Beləliklə, Vaşinqton ruslarla - Amerika mübadilə proqramlarının məzunları ilə işi intensivləşdirmək niyyətindədir”, - məlumatda deyilir.
Narışkinin iddiasına görə, Vaşinqtonda Amerika proqramlarından olan rusiyalı həmkarlar “düzgün iş aparma” sayəsində beşinci kolonun əsasını təşkil edə biləcəklərinə inanırlar.
“Dövlət departamentinin hesablamalarına görə, Access, Advance, FLEX, Fulbright, Global UGRAD, Summer Work and Travel və digər Amerika təhsil və mədəniyyət proqramları üzrə Rusiya təqaüdü alanların sayı 80 min nəfərdən çoxdur. Amerikalılar hesab edirlər ki, “düzgün iş aparılsa” onlar Qərbə kütləvi şəkildə qaçan qeyri-sistemli müxalifəti əvəz edə və beşinci kolonun əsas elementinə çevrilə bilərlər”, - rusiyalı məmur bildirib.
Rusiyanın xarici kəşfiyyat xidməti, həmçinin Rusiyaya qarşı sanksiya təzyiqi üçün Vaşinqtonun yeni mexanizmlərin hazırlanmasına rusiyalı həmkarlarını cəlb etməyə ümid bəslədiyini açıqlayıb.
Qurumun dediyinə görə, Vaşinqton belə vətəndaşlarla əlaqəni bərpa etmək və onlarla etibarlı ünsiyyət qurmaq üçün addımları gücləndirir. Gələcəkdə sabiq təqaüdçülərin Rusiya hakimiyyəti ilə siyasi mübarizəyə fəal şəkildə cəlb olunmasına keçməyi planlaşdırır. Artıq oxşar işlərin proqramı hazırlanır və təlimlərin qonşu ölkələrdə də keçirilməsi nəzərdə tutulur.
“Əsas diqqət iştirakçıların millətlərarası və sosial nifrətin qızışdırılmasına, seçkilərə müdaxiləyə, sosial şəbəkələrdə Rusiya Federasiyasının rəhbərliyini gözdən salmaq üsullarının öyrədilməsinə yönəldiləcək. Görüşlərdə amerikalı “kuratorlar” ilə təhlükəsiz ünsiyyətin tətbiqi məsələlərinə xüsusi diqqət yetiriləcək. Vaşinqton həmçinin ümidlidir ki, təqaüdçülər Rusiyaya qarşı sanksiyaların tətbiqi üçün yeni mexanizmlərin hazırlanmasında iştirak edəcəklər”, - yayımlanan məlumatda vurğulanır.
Beləliklə də, qurum Rusiyada prezident seçkiləri ərəfəsində ABŞ-nin ölkədəki vəziyyəti sarsıtmaq üçün ən kiçik fürsətdən istifadə etdiyinə diqqət çəkir. Eyni zamanda, bu minvalla, ABŞ-nin dövlət departamentinin yaxın gələcəkdə ingilis-amerikan uşaq bağçalarının və məktəblərinin şagirdlərini də bu işə qoşacağı barədə sarkastik versiya irəli sürür.
Azərbaycan-Pakistan ədəbi əlaqələri konfransda müzakirə edilir
İlham Əliyev Malayziyanın Parlament Senatının prezidentini qəbul edib
Paytaxtda xadimə mənzildən 60 min manatlıq zinət əşyaları oğurlayıb
Şəhriyar Məmmədyarov Almaniya çempionu olub
İrandan Azərbaycana 6 kq narkotika keçirmək istədilər
Azərbaycan Ordusunda "Ən yaxşı snayper" yarışı keçirilib
İlham Əliyev Xarici ölkələrlə dostluq üzrə Çin Xalq Assosiasiyasının sədrini qəbul edib
Ötən iki gündə cinayət törətməkdə şübhəli bilinən 120 nəfər saxlanılıb
Xırdalanda arvadını öldürən kişi saxlanılıb
Daha 39 ailə Füzuliyə köçürülüb
Sabah Bakıda 30° isti olacaq
Azərbaycan Ordusunda hərbiləşdirilmiş kross birinciliyi keçirilib
ABŞ-də Azərbaycana investisiya imkanları müzakirə edilib
Bu gün 20 minədək bakalavr magistraturaya imtahan verir
Ağdamda qreyder minaya düşüb,sürücü ayağından xəsarət alıb
Cüdoçumuz Elcan Hacıyev də Avropa çempionu olub
Alkoqolun təsiri altında tanışını öldürüb, həyətdə basdırdı
Laçın Ukraynanın İrpen şəhəri ilə qardaşlaşacaq
Hərbçilərimiz Türkiyədə beynəlxalq təlimdə iştirak edirlər
Azərbaycan Qırğızıstana neft məhsulları ixrac edəcək
Hidayət Heydərov dördqat Avropa çempionudur
Dövlət Neft Fondu “Tesla” və “İntel” şirkətlərinin səhmlərini alıb
Moskva Azərbaycan-Ermənistan sülh sazişinin tezliklə imzalanmasının tərəfdarıdır-Peskov
“Koroğlu”da narkokuryerdən 2 kq-dan çıx nakotika götüülüb
Monteneqro prezidenti Sahibə Qafarova ilə görüşüb