Bakıda fındıqçılığın inkişafına həsr olunmuş beynəlxalq konfrans keçirilib
Bakıda “Fındıq potensialının artırılması: Məhsuldarlıq, keyfiyyət və ixrac həcminin artırılması innovativ yanaşmalar” mövzusunda beynəlxalq konfrans keçirilib. Tədbir BMT-nin Ərzaq və Kənd Təsərrüfatı Təşkilatının (FAO) Azərbaycandakı Tərəfdaşlıq və Əlaqələndirmə Ofisinin Azərbaycan Respublikasının Kənd Təsərrüfatı Nazirliyi (KTN) ilə birgə icra etdiyi “Azərbaycanda fındıqçılıq sahəsində səmərəliliyin və dayanıqlılığın sürətləndirilməsi – HAZER” layihəsi çərçivəsində təşkil olunub.
YeniAvropa xəbər verir ki, konfransın məqsədi fındıqçılıq sektorunda qlobal təcrübələri bölüşmək, yenilikləri araşdırmaq və maraqlı tərəfləri bir araya gətirərək bir platforma təqdim etmək olmuşdur. Bu konfransda təqdim olunan fikirlər və əldə edilmiş nəticələr fındıqçılıq sektorunun mümkün inkişafı üçün vacib bir təməl olacağı əsas hədəflər sırasındadır.
Keçirilən tədbirdə Kənd Təsərrüfatı Nazirliyi və digər dövlət qurumlarının, həmçinin beynəlxalq və özəl sektorun nümayəndələri, yerli və beynəlxalq mütəxəssislər də iştirak ediblər.
Hibrid formatda keçirilən tədbirdə çıxış edən Kənd Təsərrüfatı Nazirliyi Aparatının rəhbəri Azad Cəfərli aqrar inkişaf sahəsində dövlətin dəstəyini bildirərək bunun “bölgələrdə əhalinin məşğulluğunun artırılmasına və yoxsulluq səviyyəsinin azaldılmasına etibarlı zəmin yaratmasını” vurğulayıb. Bundan sonra illər üzrə müqayisəli təhlildən danışan A.Cəfərli “2022-ci ildə fındıq bağlarının sahəsi 2015-ci ilə nisbətən 2.5 dəfə, 2021-ci ilə nisbətən 1.4 faiz artıb” deyə bildirib. O, FAO ilə əməkdaşlıq çərçivəsində həyata keçirilmiş fəaliyyətləri vurğulayaraq, “aqrar siyasətin qarşıya qoyduğu məqsədlərin bu istiqamətdə müsbət nəticələr verəcəyinə əminliyini” qeyd edib.
FAO-nun Azərbaycandakı nümayəndəsinin müavini Bariz Mehdiyev çıxış edərək təşkilatın Azərbaycandakı fəaliyyətinə - ərzaq təhlükəsizliyinin təmin edilməsi, dayanıqlı kənd təsərrüfatı və ərzaq sistemlərinin inkişafı və digər sahələrə toxunaraq, hökumətlə əməkdaşlıqdan söz açıb. “Fındıq məhsulunun ixracyönümlü və ölkə iqtisadiyyatına əsas gəlir gətirən mənbələrindəndir”, deyən B.Mehdiyev, fındıq istehsalının effektivliyini artırmaq və istehsal edilmiş fındığın keyfiyyətini yüksəltmək üçün layihənin başlanmasının KTN ilə 2020-ci ildə qərarlaşdırıldığını xatırladıb. Aflatoksin maddəsinin fındığın tərkibindən çıxarılmaqla keyfiyyətinin dünya bazarı tələbatına uyğunlaşdırılması və dron və peyk vasitəsilə fındıq bağlarının xəritəsinin hazırlanması və başqa uğurların layihə çərçivəsində əldə olunmasını qeyd edib. 2022–2026-cı illərdə sosial-iqtisadi inkişaf strategiyasında kənd təsərrüfatı sahəsinə əhəmiyyətli dərəcədə yer verilməsini bildirərək, Azad Cəfərlinin nitqində bildirdiyi nailiyyətlərə söykənərək, KTN-in əldə etdiyi uğurlardan FAO-nun da məmnun olduğunu vurğulayıb.
Dünyada fındıq bazarında baş verən cərəyanlardan söz açan məruzəçi mütəxəssislər fındıq sektorunun inkişafının ölkə iqtisadiyyatındakı əhəmiyyətindən, bu yolda mövcud olan maneələrdən söz açaraq təqdimatlarla çıxış ediblər.
Üçhissəli panel müzakirələrdən ibarət olan tədbirin ilk panel müzakirəsində “Fındıq istehsalı sektorunda təhlükələr və imkanlar, Azərbaycan nümunəsi”, ikinci panel müzakirədə “Dəyər zənciri üzrə innovasiyalar”, ən son panel müzakirəsində isə “Rəqabətli sektor üçün xidmətlərin göstərilməsi” barədə müzakirələr aparılaraq, tərəfdaşlar arasında fikir mübadiləsi, gələcək əməkdaşlıq perspektivləri barədə danışılıb və fındıq sektorunun inkişafı ilə bağlı bir sıra məsələlərə toxunulub. Panel müzakirələrin sonunda FAO və KTN nümayəndələri yekun qeydlərini açıqlayıb və növbəti addımlar barədə məlumat veriblər.
Konfransdan sonra xarici qonaqlara İçərişəhər turu təşkil olunub.
Qeyd edilib ki, HAZER layihəsinin icrası Azərbaycanda fındıqçılıq sektoruna dəstək olmaqla, bu sahənin beynəlxalq arenada Azərbaycanın fındıq məhsuluna olan diqqəti hədəf etməklə yerli dövlət qurumlarının dəstəyinə ehtiyacı bir daha önə çəkib.
Norveçli səyyahlar Şuşaya səfər ediblər
NATO-nun baş katibi Ukrayna üçün 100 milyard toplamağı təklif edir
Sabah Bakıda arabir yağış yağacaq,22° isti olacaq
Özbəkistan prezidenti Azərbaycan nümayəndə heyətini qəbul edib
Bakıda Azərbaycan-Ukrayna əməkdaşlığı müzakirə olunub
İlham Əliyev Rusiyanın Federasiya Şurasının sədr müavinini qəbul edib
Antalya 2 milyondan artıq turistlə yeni rekorda imza atıb
Samir Şərifov Tbilisidə Asiya İnkişaf Bankının illik toplantısında iştirak edir
AQTA Sabirabadda nöqsanlı pendir sexini bağlatdırıb
Konfrans Liqası 1/2 final:Bu gün “Aston Villa” “Olimpiakos”u, “Fiorentina” isə “Brügge” qəbul edir
UEFA Avropa Liqasının yarımfinalı: “Roma”-“Bayer”, “Marsel”-“Atalanta”
Dini liderlərin Qarabağa səfəri başlayıb
İlham Əliyev BMT Baş katibinin xüsusi müşavirini qəbul edib
Bu gün paytaxtın bir hissəsində qaz olmayacaq
Bakıda İƏT ölkələrinin turizm operatorlarının forumu keçirilir
Bakının mərkəzində bu gün su olmayacaq
Neftçilər prospektində avtomobillərin hərəkəti məhdudlaşdırılıb
Ötən gün cinayət törətməkdə şübhəli bilinən 58 nəfər saxlanılıb
Azərbaycan nefti 86,63 dollara satılır
Faktiki hava:Küləkli hava sabah axşamadək davam edəcək
Beynəlxalq səyyahların Qarabağ və Şərqi Zəngəzura səfəri başlayıb
Tovuz rayonunda yük maşını körpüdən çaya aşıb
İlham Əliyev Rusiyanın baş ravvinini qəbul edib
Rusiyadan idxal olunan kartofda zərərli orqanizm aşkarlanıb
VI Ümumdünya Mədəniyyətlərarası Dialoq Forumu çərçivəsində nazirlərin 5-ci görüşü keçirilir