"Qarabağ" bu gün UEFA Avropa Liqasının qrup mərhələsində növbəti oyununa çıxacaq.
YeniAvropa xəbər verir ki, Azərbaycan çempionu H qrupundakı dördüncü matçında Almaniyanın "Bayer" komandasını qəbul edəcək. Tofiq Bəhramov adına Respublika Stadionunda oynanılacaq qarşılaşma saat 21:45-də başlayacaq. Görüşü ingiltərəli FIFA referisi Kreyq Pouson idarə edəcək.
Hazırda Leverkuzen təmsilçisi 9 xalla qrup lideridir. “Qarabağ” isə 6 xalla ikinci pillədə qərarlaşıb. Qonaqlar Bakıda qalib gələcəyi halda, 1/8 finala vəsiqəni təmin edəcəklər.
Qrupun digər görüşündə isə “Hekken” İsveçdə Norveç “Molde”sini sınağa çəkəcək.
UEFA Avropa Liqası
H qrupu, IV tur
9 noyabr
21:45. “Qarabağ” (Azərbaycan) – “Bayer" (Almaniya)
Baş hakim: Kreyq Pouson (İngiltərə)
Bakı, Tofiq Bəhramov adına Respublika Stadionu
Qeyd edək ki, "Bayer" və "Qarabağ" komandaları arasında Almaniyada keçirilmiş görüş meydan sahiblərinin 5:1 hesablı qələbəsi ilə yekunlaşıb.
1638
1638
