UEFA Çempionlar Liqası:Bu gün qrup mərhələsində daha 8 oyun keçiriləcək

Bu gün UEFA Çempionlar Liqasında qrup mərhələsinin II turuna yekun vurulacaq.

YeniAvropa xəbər verir ki, son oyun günündə E, F, G və H qrupunun matçları keçiriləcək.

E qrupunda İspaniyanın “Atletiko” komandası Niderland “Feyenoord”unu, Şotlandiya “Seltik”i İtaliyanın “Latsio” klubunu qəbul edəcək.

F qrupunda İtaliya “Milan”ı Almaniyada Dortmund “Borussiya”sının, Fransanın PSJ komandası isə İngiltərədə “Nyukasl”ın qonağı olacaq.

G qrupunda Almaniya “Leyptsiq”i turnirin son qalibi olan İngiltərənin “Mançester Siti” kollektivini, Serbiyanın “Srvena Zvezda” klubu isə İsveçrə “Yanq Boyz”unu sınağa çəkəcək.

H qrupunda isə Belçika “Antverpen”i evdə Ukraynanın “Şaxtyor” (Donetsk) klubu, Portuqaliya “Portu”su isə İspaniyanın “Barselona” komandası ilə qarşılaşacaq.

UEFA Çempionlar Liqası, qrup mərhələsi

II tur

4 oktyabr

E qrupu

20:45. “Atletiko” (İspaniya) - “Feyenoord” (Niderland)

23:00. “Seltik” (Şotlandiya) - “Latsio” (İtaliya)

Xal durumu: “Feyenoord” - 3, “Atletiko” - 1, “Latsio” - 1, “Seltik” - 0.

F qrupu

23:00. “Borussiya” (Dortmund, Almaniya) - “Milan” (İtaliya)

23:00. “Nyukasl” (İngiltərə) - PSJ (Fransa)

Xal durumu: PSJ - 3, “Nyukasl” - 1, “Milan” - 1, “Borussiya” - 0.

G qrupu

23:00. “Leyptsiq” (Almaniya) - “Mançester Siti” (İngiltərə)

23:00. “Srvena Zvezda” (Serbiya) - “Yanq Boyz” (İsveçrə)

Xal durumu: “Leyptsiq” - 3, “Mançester Siti” - 3, “Srvena Zvezda” - 0, “Yanq Boyz” - 0.

H qrupu

20:45. “Antverpen” (Belçika) - “Şaxtyor” (Donetsk, Ukrayna)

23:00. “Portu” (Portuqaliya) - “Barselona” (İspaniya)

Xal durumu: "Barselona" - 3, "Portu" - 3, “Şaxtyor” - 0, “Antverpen” - 0.

Qeyd edək ki, qrup mərhələsində II turun ilk oyunları oktyabrın 3-də keçirilib.