Türkiyəyə qardaş köməyi - Bakıda yardım toplama kampaniyası davam edir
Türkiyədəki dəhşətli zəlzələlərdən zərərçəkmiş insanlar üçün Bakıda yardım toplama kampaniyası altıncı gündür davam edir.
YeniAvropa xəbər verir ki, ölkəmizdə başlanılmış yardım kampaniyasına yerli şirkət və təşkilatlar, hər bir soydaşımız qoşulub. Yardımın toplandığı məntəqələrə gələn çoxsaylı vətəndaşlar türk qardaşlarına əllərindən gələn köməyi göstərməyə çalışırlar.
Yardımların qəbul edildiyi ünvanlara - Bakı İdman Sarayına və Heydər Əliyev adına İdman Kompleksinə əsasən qış paltarları, yorğan-döşək, ərzaq məhsulları, həmçinin zəlzələ bölgəsinin fasiləsiz enerji təminatı üçün stasionar generatorlar və qızdırıcı cihazlar gətirilir.
Yardım toplama məntəqələrində könüllülər, polislər, bir sözlə qardaş Türkiyə xalqının yanında olmağa çalışan hər kəs gecə-gündüz var gücü ilə çalışır. Gətirilən əşya və ləvazimatlar könüllülər tərəfindən çeşidlənərək qablaşdırılır, avtomobillərə yüklənir, bundan sonra qardaş ölkəyə yola salınır. Kampaniyada yüzlərlə gənc, həmçinin sıravi vətəndaşlar könüllü kimi fəaliyyət göstərir.
Qeyd edək ki, yardım kampaniyası Türkiyənin Azərbaycandakı səfirliyi və Heydər Əliyev Fondu tərəfindən təşkil olunub.
Fevralın 6-da Türkiyədə ard-arda 7,7 və 7,6 bal gücündə iki zəlzələ baş verib. Əsrin təbii fəlakəti adlandırılan zəlzələ 10 vilayətdə ciddi dağıntılara və çoxsaylı insan itkisinə səbəb olub. Son məlumatlara görə 29 mindən çox insan həyatını itirib. Bölgədə olan 147 min 934 nəfər təxliyə edilib.
Qardaş Türkiyədə baş vermiş dəhşətli zəlzələnin ilk saatlarından xalqımız Türkiyə xalqına dəstək göstərir. Bu, qardaşlıq münasibətlərinin möhkəmliyinin, əbədiliyinin növbəti əyani təzahürüdür.
Ümumiyyətlə Türkiyəyə ilk yardım əlini uzadan ölkə Azərbaycan olub. Zəlzələdən dərhal sonra Prezident İlham Əliyevin tapşırığı ilə Fövqəladə Hallar Nazirliyinin 420 nəfərdən ibarət çevik xilasetmə qüvvələri qardaş ölkəyə yola salınıb. Hazırda zəlzələ bölgəsində FHN-in 750-yə yaxın əməkdaşı axtarış-xilasetmə və zəlzələnin fəsadlarının aradan qaldırılması işlərində çalışır.
Faciədən zərər çəkmiş şəxslər üçün Heydər Əliyev Fondu tərəfindən humanitar yardım göndərilməsi davam edir. Eyni zamanda, Azərbaycanda fəaliyyət göstərən QHT-lər “Qardaş köməyi” adlı platforma yaradıb.
Son günlər yardım kampaniyasına bölgələrimiz də qoşulub.
Bundan başqa, qardaş türk xalqına yardım məqsədilə müxtəlif könüllü təşkilatlarının üzvlərindən ibarət 100 gənc qardaş ölkəyə yola düşüb. Azərbaycan könüllüləri zəlzələnin baş verdiyi bölgələrdə faciədən zərər çəkmiş vətəndaşlara yardımların paylanılması, əhalinin istiqamətləndirilməsi, qeydiyyat və müxtəlif əlaqələndirmə işlərində iştirak edəcəklər.
Sabah Bakıda 29° isti olacaq
Berlində Azərbaycan və Almaniya liderlərinin təkbətək görüşü olub
Avropa Parlamentinin qətnaməsində Azərbaycanla bağlı vəziyyət açıq şəkildə təhrif edilib-XİN
Türkiyə-Rusiya Birgə Monitorinq Mərkəzi vəzifəsinin öhdəsindən layiqincə gəlib-Kərim Vəliyev
Bakıda “Qida Təhlükəsizliyi” simpoziumu keçirilib
Uzun illər Avropa bazarlarına nəql ediləcək neft-qaz resurslarımız var
Naxçıvanda QHT-lərin IV İnkişaf və Mübadilə Proqramı keçiriləcək
Türkiyə-Rusiya Birgə Monitorinq Mərkəzinin bağlanış mərasimi keçirilib
İlham Əliyev Berlində “15-ci Petersberq İqlim Dialoqu”nun Yüksək Səviyyəli seqmentində iştirak edib
AFFA “Neftçi”nin şikayətini təmin etməyib
Astanada ŞƏT ölkələri müdafiə nazirlərinin görüşü keçirilir
Xəzərdə “Dalğa-2024” birgə taktiki təlimi başa çatıb
Avropa çempionatı:Bu gün 3 cüdoçumuz mübarizəyə qoşulur
Daha 39 ailə Füzuliyə köçürülüb
Azərbaycan nefti 88,90 dollara satılır
Nazir və komitə sədrlərinin may ayında vətəndaşların qəbulu CƏDVƏLİ
Astarada avtoxuliqanlıq edən sürücülər həbs olunub
Almaniya Azərbaycanı COP29-da dəstəkləməyə hazırdır
İlham Əliyev Almaniyaya işgüzar səfərə gəlib
Milli Məclisin sədri Monteneqroya rəsmi səfərə gedib
Xocalının Malıbəyli kəndində aşkarlanmış insan qalıqlarının sayı 8-ə çatıb
Prezidentinin Administrasiyasının may ayında vətəndaşların qəbulu CƏDVƏLİ
Azərbaycan-Ermənistan sərhəddə artıq 20 sərhəd dirəyi quraşdırılıb
Cüdoçumuz Avropa çempionatında gümüş medal qazanıb
"Bakcell" ilə innovasiya dövrü başlayır