logo

TƏBİB 13 yaşlı qızın ana olması ilə bağlı açıqlama yayıb

13:33 07-09-2022 | icon 1435
TƏBİB 13 yaşlı qızın ana olması ilə bağlı açıqlama yayıb

Bakıda 2009 təvəllüdlü qız ev şəraitində uşaq dünyaya gətirib.

Tibbi Ərazi Bölmələrini İdarəetmə Birliyindən(TƏBİB) YeniAvropa-ya verilən məlumata görə, sentyabrın 6-da saat 13:30 radələrində Sabunçu rayonundan ev şəraitində doğuş hadisəsinin baş verməsi ilə bağlı TƏBİB-in tabeliyində fəaliyyət göstərən Bakı şəhəri Təcili və Təxirəsalınmaz Tibbi Yardım Stansiyasına çağırış daxil olub.

"Təcili tibbi yardım briqadası tərəfindən 2009-cu il təvəllüdlü anaya doğuş sonrası ağırlaşmanın qarşısını almaq məqsədilə ilkin tibbi yardım göstərilib. Daha sonra təcili tibbi yardım avtomobili vasitəsilə yenidoğulmuş oğlan uşağı və zahı qadın TƏBİB-in Elmi-Tədqiqat Mamalıq və Ginekologiya İnstitutuna hospitalizasiya olunub.

Hazırda ana və uşağın vəziyyəti stabildir, tibb müəssisəsində müalicələri davam etdirilir. Uşağın çəkisi 3 kilo 600 qramdır",- deyə məlumatda bildirilir.