Mərhum qrossmeyster Vüqar Həşimovun xatirəsinə həsr olunmuş "ShamkirChess 2018" superturnirində bu gün yeddinci turun görüşlərndən sonra turnirin liderinin dəyişəcəyi gözlənilir.
YeniAvropa xəbər verir ki, bu turda 4 xalla turnir cədvəlinə başçılıq edən bolqar şahmatçısı Veselin Topalov ondan yarım xal geri qalan norveçli dünya çempionu Maqnus Karlsenlə qarşılaşacaq.
Turun digər qarşılaşmaları:
Şəhriyar Məmmədyarov (Azərbaycan) - Teymur Rəcəbov (Azərbaycan)
David Navara (Çexiya) - Dinq Liren (Çin)
Rauf Məmmədov (Azərbaycan) - Aniş Giri (Hollandiya)
Radoslav Voytaşek (Polşa) - Sergey Karyakin (Rusiya)
Qeyd edək ki, ilk 6 turdan sonra Veselin Topalov 4 xalla vahid liderdir. Aniş Giri və Maqnus Karlsen 3,5 xalla 2-3-cü yerləri bölüşdürürlər. Teymur Rəcəbov, Rauf Məmmədov, Dinq Liren və Sergey Karyakin hərəyə 3 xalla 4 - 7-ci pillələrdə qərarlaşıblar. Şəhriyar Məmmədyarov və Radoslav Voytaşek 2,5 xalla 8-9-cu, David Navara isə 2 xalla sonuncu sırada yer alıb.
2772
2772
