Şəhriyar Məmmədyarov üçün Berlində mövcüzə baş vermədi- Karuana turnirin qalibi oldu

23:32 27-03-2018 | 6027

Almaniyanın paytaxtı Berlində şahmat üzrə iddiaçılar turnirində son turun oyunları keçirilib. YeniAvropa xəbər verir ki, 13-ci turdan sonra turnir cədvəlinə Amerikalı şahmatçı Fabiano Karuana 8 xalla başçılıq edirdi. Azərbaycan şahmatçısı Şəhriyar Məmmədyarov 7,5 xalla ikinci yerdə idi. Onun ən yaxın izləyicisi Rusiyalı Sergey Karyakinin də 7,5 xalı var idi.

Şəhriyar Məmmədyarov iddiaçıların turnirində qalib olması üçün rus şahmatçısı Vladimir Kramniki məğlub etməli idi. Bundan əlavə, rusiyalı Aleksandr Qrişuk amerikalı Fabiona Karuanaya, Cin şahmatçısı Din Lijen isə rusiyalı Sergey Karyagini məğlub etməli idilər. Lakin gözlənilən möcüzə baş verməyib.

Şəhriyar Məmmədyarov rus şahmatçısı Vladimir Kramniklə, Din Lijen isə rusiyalı Sergey Karyaginlə heç-heçə ediblər. Aleksandr Qrişuk Fabiona Karuanaya məğlub olub.

Əslində turnir cədvəlinə təsir etməsə də, Uesli Co da Levon Aronyanla xalları yarı bölüblər.

Beləliklə, 14 turdan sonra Amerikalı şahmatçı Fabiano Karuana 9 xalla iddiaçılar turnirinin qalıbi olub. Azərbaycan şahmatçısı Şəhriyar Məmmədyarov turniri ikinci pillədə başa vurub.

Onunla eyni -8 xal toplamış rusiyalı Sergey Karyakin isə üçüncü olub.

Sonrakı yerlərdə:

4. Din Lijen 7,5 xal

5. Vladimir Kramnik-6,5 xal

6.Aleksandr Qrişuk- 6,5 xal

7.Uesli Co-6 xal

8.Levon Aronyan -4,5 xal

Qeyd edək ki, martın 10-da start götürən turnir martın 28-dək davam edəcək.Turnirdə 8 qrossmeystr 2 dövrədə qalib adı uğrunda yarışır. Turnirin qalibi şahmat tacı uğrunda hazırkı dünya çempionu Maqnus Karlsen ilə oynayacaq. İştirakçılar arasında reytinq əmsalına görə Şəhriyar Məmmədyarov öndə gedir(2809 xal). Sonrakı yerlərdə Vladimir Kramnik(Rusiya, 2800), Ueslo Co(ABŞ,2799), Levon Aroyan(2794), Fabiano Karuana(ABŞ,2794), Din Lijen(Çin,2769), Aleksandr Qrişuk(Rusiya, 2767) və Sergey Karyakin(Rusiya,2763) gəlirlər.

İddiaçılar turnirinin ümumi mükafat fondu 420 min avrodur.

Qalib şahmatçı - amerikalıFabiano Karuana norveçli Maqnus Karlsenlə dünya çempionu titulu uğrunda görüşə çıxacaq.