Məmmədyarov Berlində 1-ci dövrəni ikinci yerdə başa vurdu

23:59 18-03-2018 | 3843

Bu gün Almaniyanın paytaxtı Berlində şahmat üzrə iddiaçılar turnirində yeddinci turun oyunları ilə birinci dövrəyə yekun vurulub.

YeniAvropa xəbər verir ki, iik oyununda turnirin reytinq favoriti olan Azərbaycan şahmatçısı Şəhriyar Məmmədyarov rusiyalı Aleksandr Qrişuk ilə qarşılaşıb. Gərgin keçən oyun heç-heçə ilə nəticələnib. Xatırladaq ki, bu, Şəhriyarın turnirdə sayca beşinci heç-heçəsidir.

Digər görüşlərdə isə rus şahmatçısı Sergey Karyagin amerikalı Uesli Conu, ABŞ şahmatçısı Fabiano Karuana isə erməni Levon Aroyanı məğlub edib: 1-0.

Cin şahmatçısı Din Lijenin rusiyalı Vladimir Kramnik ilə oyunu isə heç-heçə ilə nəticələnib: 0-0.

Beləliklə , 1-ci dövrədən sonra amerikalı şahmatçı Fabiano Karuana 5 xalla turnirin vahid lideri olub. Azərbaycan şahmatçısı ondan yarım xal geri qalır və 4.5 xalla turnir cədvəlində ikincidir.

Turnir cədvəlində sonrakı sıralama belədir:

3.Vladimir Kramnik-3,5 xal

4.Din Lijen-3,5 xal

5.Aleksandr Qrişuk-3,5 xal

6.Sergey Karyakin -3 xalı

7.Uesli Co-2,5 xal

8.Levon Aronyan -2,5 xalla

Sabah turnirdə ikinci dövrənin oyunları başlayır.

8-ci turda Şəhriyar Məmmədyarovun rəqibi rus şahmatçısı Sergey Karyagin olacaq. Bu turda digər rus şahmatçısı Aleksandr Qrişuk həmyerlisi Vladimir Kramnik ilə, ermıni Levon Aroyan Cin şahmatçısı Din Lijen ilə qarşılaşacaqlar. Sonuncu görüşdə isə amerikalılar -Uesli Co və birinci dövrənin qalibi Fabiano Karuana üz-üzə gələcəklər.

Xatırladaq ki, birici dövrənin oyunlarını yalnız iki idmançı amerikalı Fabiano Karuana və Şəhriyar Məmmədyarov məğlubiyyətsiz başa vurublar. Amerikalının aktivində 3 , Şəhriyarın isə 2 qəlbə xalı var.Onlar turun qalan oyunlarını heç-heçə ilə başa vurublar .

Qeyd edək ki, martın 10-da start götürən turnir martın 28-dək davam edəcək.Turnirdə 8 qrossmeystr 2 dövrədə qalib adı uğrunda yarışır. Turnirin qalibi şahmat tacı uğrunda hazırkı dünya çempionu Maqnus Karlsen ilə oynayacaq. İştirakçılar arasında reytinq əmsalına görə Şəhriyar Məmmədyarov öndə gedir(2809 xal). Sonrakı yerlərdə Vladimir Kramnik(Rusiya, 2800), Ueslo Co(ABŞ,2799), Levon Aroyan(2794), Fabiano Karuana(ABŞ,2794), Din Lijen(Çin,2769), Aleksandr Qrişuk(Rusiya, 2767) və Sergey Karyakin(Rusiya,2763) gəlirlər.

Əgər dairəvi sistem üzrə keçirilən turnirdə qalib müəyyənləşməsə, o zaman birinci yerin sahibini müəyyənlşdirmək üçün əlavə göstəricilərə baxılacaq :1. Öz aralarında keçirilən oyunun nəticəsi 2.Qələbələrin ümumi sayı 3.Zonneborna-Berqer əmsalı .Əgər bu göstəricilər də yetərli olmazsa , o zaman qalib martın 28-də keçiriləcək əlavə tay-breklə müəyyənləşəcək.

Qeyd edək ki, reqlamentə görə, idmançıya 44 gediş üçün 100 dəqiqə vaxt verilir, sonra 20 gediş üçün 50 dəqiqə və partiyanın sonudak daha 15 dəqiqə.

Yarışlar Bakı vaxtı ilə saat 18-00-da başlanır.

"YeniAvropa" turnirin iştirakçılarını bu ilin mart ayına olan reytinq sıralaması ilə təqdim edir: