Baş nazirin müavini Şahin Mustafayev oğluna nişan edib.
YeniAvropa xəbər verir ki, Ş.Mustafayevin oğlu Abdulla Mustafayev iş adamı Zakir Süleymanovun qızı Savad Süleymanova ailə həyatı qurub.
Cütlüyün nişan mərasimi avqustun 8-də baş tutub. Nişan mərasimi qız evində təşkil olunub. (Unikal.org)
Xatırladaq ki, Abdulla Mustafayev 16 yaşından İngiltərədə təhsil alıb. Əvvəlcə 2012-2015-ci illərdə Concord kollecində, daha sonra isə 2018-2019-cu ildə London İqtisadi və Siyasi Elmlər Məktəbinin (LSE) mühasibat və maliyyə ixtisası üzrə magistr dərəcəsi ilə məzun olub.
Mətbuatın yazdığına görə, Abdulla Mustafayev 2014-cü ilin dekabr ayının 18-də azərbaycanlı işadamı Müşfiq Həsənovdan “Prestij Aracılik Hizmetleri İthalat-İhracat Pazarlama Sanayi Ticaret Limited” şirkətini satın alıb. Şirkət İstanbul, Lütfüpaşa küçəsindəki Hacı Bəy İş Mərkəzində yerləşir. 1993-cü ildə İstanbulda yaradılan bu şirkət Azərbaycandan olan ilk ortağı 2008-ci ildə qəbul edib. Mebel sənayesində çalışan 56 yaşlı Məşhur Məmmədov həmin il şirkətin səhmlərinin 90 faizini alıb.
Bu "üçlük"-Məşhur Məmmədov, Müşfiq Həsənov və Abdulla Mustafayevin iştirakı ilə İstanbulda “ABM Construction Mimarlık Sanayi ve Ticaret Limited” şirkəti də yaradılıb.
2856
2856
