Fevralın 19-dan martın 1-dək Moskvadakı “Kosmos” mehmanxanasında “Aeroflot Open–2018” Beynəlxalq şahmat turniri keçiriləcək. YeniAvropa xəbər verir ki, turnirdə ölkəmizi beynəlxalq qrossmeyster, Azərbaycan yığmasının heyətində Avropa komanda çempionatının üçqat çempionu Rauf Məmmədov təmsil edəcək.
Sayca 16-cı turnirdə güclü şahmatçılar təmsil olunacaq. “Aeroflot Open” çərçivəsində keçiriləcək üç turnir (A,B və C) iştirakçıların reytinqinə müvafiq formalaşdırılıb. Bütün bölmələrin şahmatçıları İsveçrə sistemi ilə 9 turda yarışacaqlar. Reytinqləri 2550 və daha yuxarı olan şahmatçıların mübarizə aparacağı “A” qrupu daha böyük maraq doğurur.
Bu il “A” turnirində Rauf Məmmədov, Vladimir Fedoseyev, Santoş Vidit, Dmitri Andreykin, Maksim Matlakov, Vladislav Artemyev, Ernesto İnarkiyev, Yevgeni Nayer və bir çox digər şahmat ulduzları iştirak edəcəklər.
“A” turnirində 23 ölkədən 90-dan çox şahmatçı mübarizə aparacaq. Əsas yarışın qalibi iyulun 12-23-də Dortmundda keçiriləcək superturnirə vəsiqə qazanacaq. Turnirin mükafat fondu 120 min avrodur.
2926
2926
