Azərbaycan Güləş Federasiyasının(AGF) Prezidenti Fazil Məmmədovun əmri ilə Federasiyanın baş katibi Rəşad Əlizadə vəzifəsindən azad edilib. Bu haqda YeniAvropa-ya AGF-dən bildirilib. Məlumatda qeyd edilib ki, Federasiya Prezidentinin əmrinə əsasən, Orxan Rasim oğlu Məmmədov AGF-nin yeni baş katibi təyin olunub.
Məlumat üçün bildirək ki, Orxan Məmmədov bundan əvvəl Azərbaycan Güləş Federasiyasında İdman şöbəsinin müdiri vəzifəsində çalışıb. Azərbaycan Dövlət Bədən Tərbiyəsi və İdman Akademiyasını bitirən Orxan Məmmədov yeniyetmə yaşlarından güləşin sərbəst növü ilə məşğul olub, dəfələrlə Azərbaycan çempionu, beynəlxalq turnirlərin qalib və mükafatçısı olub. Güləş idman növünün inkişafındakı xidmətlərinə görə o, "Azərbaycan Respublikası Prezidentinin Fəxri Diplomu" ilə təltif olunub, idman ustası, əməkdar məşqçidir.
3108
3108
