91-ci “Oskar” mükafatının “Ən yaxşı film” nominasiyası uğrunda səkkiz film yarışacaq.
YeniAvropa xəbər verir ki, iddiaçılar sırasına rejissor Rayan Kuqlerin “Qara pantera”, Piter Farrellinin “Yaşıl kitab”, Bredli Kuperin “Ulduz doğuldu”, Alfonso Kuaronun “Roma” və başqa filmlər daxildir.
Amerika kino tənqidçiləri “Ən yaxşı film” kateqoriyasında “Oskar”a namizəd Bredli Kuperin “Ulduz doğuldu” melodramını, Alfonso Kuaronun “Roma” dramını və Piter Farrellinin “Yaşıl kitab” filmlərinin adını çəkirlər. “The Hollywood Reporter” jurnalı bu filmlərin mükafat qazanma şansı yüksək qiymətləndirir.
Xatırladaq ki, “Oskar” mükafatlarının təqdimatı fevralın 24-də keçiriləcək.
5180
5180
