“Leyli və Məcnun” operasının 110 illiyi qeyd olunub
Yanvarın 12-də Üzeyir Hacıbəylinin ev-muzeyində dahi bəstəkarın müsəlman Şərqində ilk operasının - “Leyli və Məcnun”un tamaşaya qoyulmasının 110 illiyinə həsr olunmuş tədbir keçirilib. YeniAvropa xəbər verir ki, tədbir iştirakçıları əvvəlcə muzeydə operanın səhnə həyatının əks olunduğu sərgi ilə tanış olublar. Daha sonra “Leyli və Məcnun” operasından fraqment nümayiş edilib.
Tədbirdə muzeyin direktoru, əməkdar incəsənət xadimi, bəstəkar Sərdar Fərəcov çıxış edərək milli musiqi tariximizdə silinməz izlər qoyan dahi bəstəkarın zəngin yaradıcılığından danışıb. O deyib: “Leyli və Məcnun” operasının yaranması ilə Azərbaycanda milli musiqili teatrının əsası qoyuldu. Azərbaycan bəstəkarlıq, ifaçılıq sənəti bu opera ilə yanaşı inkişaf etməyə başladı və böyük sənətkarların repertuarlarının yaraşığı oldu. Opera nəinki ölkəmizdə, eləcə də dünyanın müxtəlif ölkələrində səhnəyə qoyuldu və böyük tamaşaçı sevgisi qazandı”.
Operanın böyük çətinliklər hesabına ərsəyə gəlməsinə rəğmən böyük uğur qazandığını deyən muzeyin direktoru bundan ruhlanan bəstəkarın daha bir neçə mükəmməl opera və operetta yazdığını bildirib. Qeyd edib ki, bu əsərlər ölkəmizin bəstəkarlıq məktəbinin inkişafına və zənginləşməsinə müstəsna təsir göstərməklə yanaşı, dünya mədəniyyətinə də öz töhfəsini verib: “Azərbaycan ərazisində yaranan bu opera öz coğrafiyasını genişləndirərək Qafqazda, Şərqdə şöhrət tapdıqca həmin xalqların da musiqisinin inkişafına təsir edib. Bunu həmin xalqların musiqiçiləri, bəstəkarları dönə-dönə vurğulayıblar. Bu isə Üzeyir bəyin, ümumilikdə Azərbaycan musiqisinin böyüklüyüdür. Elə bu böyüklük, 110 il əvvəl olduğu kimi, hələ çox yüzilliklər boyu Azərbaycan xalqını müşayiət edəcək”.
Tədbirdə bəstəkarın əsərlərinin böyük əksəriyyətinə səhnə quruluşu verən Əməkdar İncəsənət Xadimi Hafiz Quliyev, “Leyli və Məcnun” operasının ikinci tamaşasından etibarən qadın rolunun ifaçısı olan, “Əhməd Ağdamski” təxəllüsü ilə tanınan Əhməd Bədəlbəyovun oğlu, professor Telman Ağdamski, Əməkdar Mədəniyyət İşçisi Alla Bayramova, “Mədəniyyət.az” jurnalının baş redaktoru Zöhrə Əliyeva və başqaları çıxışlarında bəstəkarın musiqi mədəniyyətimizin inkişafındakı xidmətlərindən danışıblar. Bildirilib ki, bu opera ötən il ərzində bir çox sənətkarların həyatından gəlib keçib, onlara sonsuz tamaşaçı sevgisi qazandırıb.
Vurğulanıb ki, ilk Leyli - Əbdülrəhman Fərəcov və ikinci Leyli - Əhməd bəy Ağdamski, adı mədəniyyət tariximizə ilk Məcnunumuz kimi düşmüş Hüseynqulu Sarabski özündən sonra əsl məktəb yaradıb.
Sonra gənc ifaçılar bədii kompozisiya ilə çıxış ediblər.
ABŞ Ukraynaya daha bir “Patriot” sistemi göndərir
Putin hökumətin yeni tərkibini təsdiqləyib
“Bakcell” Azərbaycanda ən sürətli fiber internet paketini təqdim edir
Minskdə Azərbaycan-Belarus Hökumətlərarası Komissiyasının iclası keçiriləcək
“Azercell Cup 2024” müsabiqəsinə start verilir!
Azərbaycanda cari ildə 16,7 milyard m3 qaz hasil edilib
İlham Əliyev Çin nümayəndə heyətini qəbul edib
Biz delimitasiyasını tarixi hadisə kimi dəyərləndiririk-Ceyhun Bayramov
Azərbaycan hər zaman ATƏT-in təməl prinsiplərinə riayət edilməsinin tərəfdarı olub
ATƏT Azərbaycanla Ermənistan arasında bütün praqmatik məsələləri dəstəkləyir
Sabah Bakıda qısamüddətli yağış yağacaq, 19° isti olacaq
Vladimir Putin Nikolay Patruşevi özünə köməkçi təyin etdi
Avropa Bankı ötən il Azərbaycana 13 milyard avro sərmayə yatırıb
İlin əvvəlindən Azərbaycanda neft hasilatı 6 faiz azalıb
Bakıda “Ailə Festivalı” keçiriləcək
Göydəniz Qəhrəmanov yenidən ATAA-nın sədri seçilib
Azərbaycan dünya çempionatında 11 cüdoçu ilə təmsil olunacaq
Milli Məclisin sədri Sahibə Qafarova Sinqapura rəsmi səfərə gedib
Azərbaycan Milli QHT Forumunun qurultayı keçirilir
“Qarabağ” qadın həndbol komandası ölkə çempionu olub
Araz çayı üzərində monitorinqlər aparılır
Azərbaycandan 4 ayda 8,5 milyard m3 qaz ixrac edilib
İlham Əliyev ATƏT-in sədrini qəbul edib
Azərbaycan-Qazaxıstan futbol matçının saatı dəyişdirilib
Faktiki hava: Ölkə ərazisində şimşək çaxıb,leysan və qar yağıb