Orxan Abbasov: Cari ildə həndbolçularımızı ciddi sınaqlar gözləyir
Azərbaycanda digər sahələrdə olduğu kimi, idman da sürətlə inkişaf edir. Ölkəmiz irimiqyaslı yarışlara yüksək səviyyədə ev sahibliyi edir, idmançılarımız beynəlxalq arenada qələbələr qazanaraq xalqımızı sevindirirlər. Ötən illərdə olduğu kimi, bu il də Azərbaycan idmançıları möhtəşəm qələbələr qazanaraq üçrəngli bayrağımızı dalğalandırıb, himnimizi səsləndiriblər.
Azərbaycan Həndbol Federasiyasının birinci vitse-prezidenti Orxan Abbasov ötən ilin idman yekunları və qarşıdakı perspektivlərlə bağlı müsahibə verib. Müsahibəni təqdim edirik.
- Orxan müəllim, ötən ili Azərbaycan həndbolu üçün necə qiymətləndirirsiniz?
- İdmanın digər növlərindən fərqli olaraq, həndbol bir neçə il ərzində ölkəmizdə durğunluq dövrünü yaşayıb. 2016-cı ilin sonunda Azərbaycan Həndbol Federasiyasında dəyişikliklər oldu. Saleh Məmmədov federasiyaya prezident seçildi. Bundan sonra həndbolun inkişafı üçün qarşıya mühüm vəzifələr qoyuldu, dəqiq planlar hazırlandı.
İdmanın bu növünü ölkəmizdə inkişaf etdirmək üçün əvvəlcə yeniyetmələrin həndbola cəlb olunmasından başladıq. Respublikamızın regionlarında seleksiya xarakterli seçimlər etdik və məşqlərə start verdik. Həmçinin klublar yaradıldı. Hazırda ölkəmizdə 10 həndbol klubu fəaliyyət göstərir. Bunlardan dördü kişi, altısı isə qadın həndbol klubudur. Gəncə, İsmayıllı, Mingəçevir, Qazax və Göygöldə yeniyetmələrdən ibarət komandalar yaradılıb.
Ötən il ölkəmiz növbəti dəfə irimiqyaslı yarışa yüksək səviyyədə ev sahibliyi etdi. Qadın həndbolçulardan ibarət millimiz “Bakı-2017” IV İslam Həmrəyliyi Oyunlarının qalibi oldu. Millimiz final oyununda Türkiyə yığmasını məğlub edərək ölkəmizə qızıl medal qazandırdı. Ölkə idmanında qazanılan bütün uğurlar Azərbaycan Milli Olimpiya Komitəsinin Prezidenti, dövlətimizin başçısı İlham Əliyevin bu sahəyə göstərdiyi diqqət və qayğının bariz nümunəsidir. IV İslam Həmrəyliyi Oyunlarının Təşkilat Komitəsinin sədri, Azərbaycan Respublikasının Birinci vitse-prezidenti Mehriban xanım Əliyevanın da bu sahədə xidmətləri misilsizdir. Azərbaycan dünyada idman ölkəsi kimi tanınır və idmanın kütləviləşməsi istiqamətində ölkəmizdə mühüm addımlar atılır.
Hazırda on klubun iştirakı ilə həndbol üzrə ölkə çempionatı davam edir. Digər çempionatlarla müqayisədə bu yarışın müddəti daha uzundur. Çempionata mayın əvvəllərində yekun vurulacaq. Yarış 20 turdan ibarətdir. Hazırda “Azəryol” komandası turnir cədvəlinin lideridir.
- Cari ildə həndbolçularımızı hansı sınaqlar gözləyir?
- Ölkə çempionatına cari ildə yekun vurulacaq. Qadın həndbolçulardan ibarət Azərbaycan millisi dünya çempionatının seçmə mərhələsində mübarizə aparacaq. Qadınlarla yanaşı, kişilərdən ibarət milli komandalarımız da təlim-məşq toplanışlarına qatılacaqlar.
2019-cu ildə Azərbaycan Avropa Yeniyetmələrinin Yay Olimpiya Festivalına ev sahibliyi edəcək. Bu mötəbər turnirin idman proqramına həndbol da daxildir. Hazırda yeniyetmələrdən ibarət millimiz yarışa ciddi hazırlaşır. Çünki bu yarışda həndbolçularımızı gərgin idman mübarizəsi və güclü rəqiblər gözləyir.
2016-2017-ci il mövsümündə ölkə çempionatının gümüş medalını qazanan “Azəryol” komandası “Çağırış” kubokunda iştirak hüququ qazanıb. Bakı təmsilçisi ilk görüşündə Lüksemburqun “Düdelanj” komandasını mübarizədən kənarlaşdırıb. Rəqibimiz güclü komanda idi və həndbolçularımız “Düdelanj” səddini aşmağı bacarıblar. Səkkizdəbir final mərhələsində isə rəqibimiz İsveçin “Kristianstad” klubu olacaq. Komandalar arasında dörddəbir final mərhələsi uğrunda görüşlərin fevralın 2-də və 3-də Bakıda keçirilməsi nəzərdə tutulub. Qarşılaşmaların ölkəmizdə təşkil olunması həndbolun inkişafına mühüm təkan verəcək. Həmçinin azarkeşlərin dəstəyi də önəmli rol oynayır. Qeyd etmək istərdim ki, çempionatın oyunlarında da tribunalar azarkeşlərlə dolu olur.
- Azərbaycanda idmanın bu növünün inkişafı istiqamətində hansı addımlar atılır?
- Azərbaycan Həndbol Federasiyası idmanın bu növünün inkişafını həmişə diqqət mərkəzində saxlayır. Əvvəllər həndbol dərsi ölkə məktəblərindən yığışdırılmışdı. Bu da ölkədə həndbolun durğunluq dövrü yaşaması ilə bağlı idi. Biz idmanın bu növünün kütləviləşməsinə nail olmaq üçün regionlardan başladıq və komandalar yaratdıq. Artıq istəyirik ki, məktəblərdə də uşaqlar həndbol ilə məşğul olsunlar. Bu istiqamətdə işlər davam edir.
Azərbaycan cari ildə həndbol üzrə beynəlxalq turnirə ev sahibliyi edəcək. Ümummilli lider Heydər Əliyevin xatirəsinə həsr olunacaq turnirin mayda təşkil edilməsi nəzərdə tutulub. Ənənəvi xarakter alacaq yarışda iştirak üçün bir neçə ölkəyə dəvət göndəriləcək və turnir Avropa Həndbol Federasiyasının təqviminə əlavə olunacaq.
- Orxan müəllim, maraqlı müsahibəyə görə təşəkkür edirik.
- Çox sağ olun.
Azərbaycan Ordusunda andiçmə mərasimləri keçirilib
Məzahir Pənahov parlament seçkilərinə hazırlıqdan danışıb
İlham Əliyev Köndələnçay su anbarının açılışında iştirak edib
Almatıda Azərbaycan və Ermənistan XİN başçılarının görüşü keçirilir
Sabah Bakıda 24° isti olacaq
Azərbaycan-Qazaxıstan strateji tərəfdaşlığı müzakirə edilib
Baş Prokurorluqdan Mehman Xəlilovun cinayət işi üzrə açıqlama
“Təmiz ölkəm”-maarifləndirici təmizlik aksiyalarına başlanılır-Sabahdan
"BP"nin Azərbaycan-Gürcüstan-Türkiyə üzrə xərcləri azalıb
İlham Əliyev Füzuli-Şuşa avtomobil yolunda görülən işlərlə tanış olub
3 ayda “Azəri-Çıraq-Günəşli”dən neft hasilatı 11,4 % azalıb
Bakıda beynəlxalq seysmoloji konfrans keçiriləcək
I rübdə “Şahdəniz”dən 7 milyard kubmetr qaz hasil edilib
Azərbaycan həm də "COP29"daki danışıqlara rəhbərlik edəcək-Baş icraçı direktor
BMT-nin vətəndaş cəmiyyəti üzrə 69-cu konfransı keçirilir
BMT COP29-la bağlı Azərbaycana dəstək verməkdə davam edəcək
YAP parlament seçkilərinə hazırlıqları davam etdirir
Mayın 11-12-də geomaqnit qasırğası gözlənilir
500-dək namizəd dövlət qulluğu üzrə imtahan verəcək
Azərbaycan nefti 84,55 dollara satılır
Bakıda “Dayanıqlı Tikinti Zirvəsi” keçiriləcək
İlham Əliyev və xanımı Fəxri xiyabanı ziyarət edib
Ötən gün Azərbaycanda 82 kq narkotika aşkarlanıb
Ötən gün cinayət törətməkdə şübhəli bilinən 83 nəfər saxlanılıb
Ceyhun Bayramov Qazaxıstana işgüzar səfərə yola düşüb