“Qarabağ”ın UEFA Çempionlar Liqasının III təsnifat mərhələsində Bolqarıstanın “Ludoqorets” klubu ilə keçirəcəyi oyunların vaxtı müəyyənləşib.
YeniAvropa Ağdam təmsilçisinin rəsmi saytına istinadən xəbər verir ki, komandalar arasında avqustun 6-da Bakıda oynanılacaq ilk matç saat 20:00-da başlayacaq. Ayın 13-də Bolqarıstanda baş tutacaq görüşün start fiti isə Bakı vaxtı ilə saat 22:00-da veriləcək.
Xatırladaq ki, II təsnifat mərhələsində Qurban Qurbanovun yetirmələri Cəbəllütariqin “Linkoln” komandasını, Bolqarıstan təmsilçisi isə Minsk “Dinamo”sunu mübarizədən kənarlaşdırıb.
1036
1036
