Türk İnvestisiya Fondu noyabrın 1-dən fəaliyyətə başlayacaq
Türk İnvestisiya Fondu (TİF) bu il noyabrın 1-dən əməliyyat fəaliyyətinə başlayacaq.
YeniAvropa xəbər verir ki, bu barədə fondun yaydığı açıqlamada bildidrilib. Qeyd edilib ki, bununla bağlı qərar TİF-in Direktorlar Şurasının iyulun 20-də İstanbulda keçirilən iclasında qəbul edilib.
“Görüş türk dövlətləri arasında iqtisadi əməkdaşlığın və investisiyaların təşviqini hədəfləyən fondun idarəetmə strukturu və fəaliyyəti ilə bağlı mühüm qərarların qəbul ediləcəyi platformaya çevrilib”, - məlumatda bildirilib.
Görüşdə "Azərbaycan İnvestisiya Şirkəti" ASC-nin icraçı direktoru Ülvi Mansurov, “Qazaxıstan İnkişaf Bankı” ASC-nin İdarə Heyətinin sədri Marat Elibayev, Türkiyənin Xəzinə və Maliyyə Nazirliyinin Xarici İqtisadi Əlaqələr üzrə baş direktoru Kerem Dönmez, Özbəkistanın Yenidənqurma və İnkişaf Fondunun icraçı direktoru Şurxat Vafayev, Qazaxıstan Milli İqtisadiyyat Nazirliyinin Beynəlxalq İqtisadi Əlaqələr Departamentinin direktoru Səadət Asanseitova, eləcə də TİF-in baş direktoru Ramil Babayev iştirak ediblər.
“İclasda bir sıra mühüm qərarlar, o cümlədən Direktorlar Şurasının reqlamentinin, TİF-in 2024-cü il üçün ilkin inzibati büdcəsinin, maliyyə resurslarının idarə edilməsi siyasətinin təsdiqlənməsi, eləcə də fondun əməliyyat fəaliyyətinin başlama tarixinin müəyyən edilməsi və fondun baş direktoruna zəruri əməliyyatların aparılması üçün imza hüququnun verilməsinə dair qərarlar qəbul edilib”, - məlumatda bildirilib.
Bundan başqa, iclas iştirakçıları Macarıstanın TİF-in təsis edilməsi haqqında sazişə qoşulmasını alqışlayıblar.
“Direktorlar Şurasının avqustun əvvəlində keçiriləcək növbəti iclasında TİF-in fəaliyyətinin təşkilati və maliyyə çərçivələri müəyyən ediləcək. TİF-in əməliyyat fəaliyyətinə başlaması üçün hədəf tarix 2024-cü il noyabrın 1-i müəyyən edilib”, - məlumatda qeyd olunub.
Xatırladaq ki, "Türk İnvestisiya Fondunun yaradılması haqqında" Saziş 2023-cü il martın 16-da Türkiyənin Ankara şəhərində Türk Dövlətləri Təşkilatının Fövqəladə Zirvə görüşü zamanı imzalanıb. Türk İnvestisiya Fondunun Rəhbərlər Şurasında Azərbaycandan rəhbər iqtisadiyyat naziri Mikayıl Cabbarov, alternativ rəhbər isə maliyyə naziri Samir Şərifov təyin edilib.
Fondun nizamnamə kapitalı 500 milyon ABŞ dolları təşkil edir. Fond öz məqsədini həyata keçirmək üçün aşağıdakı funksiya və səlahiyyətlərə malikdir:
- regiondaxili ticarətin təşviqində yardım etmək;
- xüsusilə mikro, kiçik və orta müəssisələrə aid olan layihələri maliyyələşdirmək;
- beynəlxalq və milli maliyyə və inkişaf institutları, eləcə də ticarət palataları və özəl müəssisələr ilə əməkdaşlıq etmək və birgə maliyyələşdirmək;
- nəqliyyat və logistika zəncirlərinin, saxlama və istehsal imkanlarının genişləndirilməsini dəstəkləmək;
- dövlət-özəl tərəfdaşlığı daxil olmaqla rəqəmsal infrastrukturun yaradılmasını və modernləşdirilməsini dəstəkləmək;
- sənaye istehsalı, infrastruktur, nəqliyyat, kənd təsərrüfatı, informasiya və kommunikasiya texnologiyaları və turizm daxil olmaqla qarşılıqlı maraq doğuran sahələrdə inkişaf layihələrini dəstəkləmək;
- enerji səmərəliliyi, bərpa olunan enerji və ətraf mühitin mühafizəsinə investisiya yatırmaqla yaşıl iqtisadiyyata töhfə verən layihələri maliyyələşdirmək;
- zəruri hesab edildikdə investisiya layihələrinin hazırlanması üçün yardım və maliyyə dəstəyi təmin etmək.
Dubaydan gətirilən qızıl külçələri ölkəyə keçirən gömrükçülərin məhkəməsi başlayır
Piyada keçidinin tikintisinə görə Hava Limanı-Mərdəkan yolu bağlanacaq
AŞPA üzvlərinin Azərbaycana səfərinə qoyulan qadağa nə vaxt götürüləcək?
Daha bir cüdoçumuz Avropa çempionu olub
Göyçayda atasını döyərək öldürən oğulun məhkəməsi başlayır
İlham Əliyevin İtaliyaya işgüzar səfəri başa çatıb
“Yaşıl enerji məkanı” üzrə İşçi qrupunun növbəti iclası keçirilib
Şuşada "Vüqar Həşimov Memorialı-2024" turniri keçiriləcək
2024-cü ilin yayı tarixə ən isti mövsüm kimi düşdü
Ukraynaya daha güclü "F-16" donanması lazımdır-Zelenski
Sabah Bakıda 29° isti olacaq
Stoltenberq NATO ölkələrini Kiyevə daha çox hərbi yardım etməyə çağırıb
İlham Əliyev İtaliyanın “Ansaldo Energia” şirkətinin baş direktoru ilə görüşüb
Cənub Qaz Dəhlizi bu gün 10 ölkənin enerji təhlükəsizliyini təmin edir
İlham Əliyev Beynəlxalq Çernobbio Forumunda çıxış edib
İtaliya Azərbaycanın əsas ticarət tərəfdaşıdır-İlham Əliyev
Müdafiə Nazirliyinin rəhbərliyi bölmələrin döyüş hazırlığını yoxlayıb
İtaliyada 50-ci yubiley Çernobbio Forumu keçirilir
Bakıda “Hüquq və iqlim” adlı beynəlxalq konfrans keçirilir
"Formula 1" Azərbaycan Qran-Prisinin Akkreditasiya Mərkəzi fəaliyyətə başlayıb
DİM 500-ə yaxın şagird üçün əlavə imtahan keçirəcək
Azərbaycan nefti 78,33 dollara satılır
Şuşada Beynəlxalq Qastronomiya Günü keçirilir
Azərbaycanın iki qadın cüdoçusu Avropa çempionu olub
“Bakcell” və Bakı Şəhər Halqası Əməliyyat Şirkəti jurnalistlərlə görüşüb