Sabah başlayacaq planetin ən möhtəşəm yarışı -“Paris-2024” Yay Olimpiya Oyunları idman həvəskarlarına İctimai Televiziyada(İTV) canlı yayımda təqdim olunacaq.
YeniAvropa xəbər verir ki, bu barədə İTV-dən bildirilib.
Qeyd edilib ki, Olimpiya Oyunlarının rəsmi açılış mərasimi iyulun 26-da təşkil olunacaq.
Avqustun 11-dək davam edəcək Oyunlarda Azərbaycan idmançılarının çıxışları, Olimpiadanın rekordlar, sevinc və üzüntü ilə zəngin olan ən maraqlı, emosional anları İTV-nin efirində yaşanacaq.
İdmançılarımızın qələbə xəbərləri, yarışla bağlı eksklüziv təəssüratları ilk olaraq İctimai Televiziyanın efirində bu il 30 illik yubileyini qeyd edən Gənclər və İdman Nazirliyinin və Milli Olimpiya Komitəsinin birgə dəstəyi ilə Parisdən canlı yayımda nümayiş olunacaq. Hər yarış gününün əvvəlində və sonunda xüsusi olaraq Paris Olimpiadası üçün hazırlanmış “Bol idman” verilişinin yeni studiyasında təmsilçilərimizin çıxışları, şansları ekspertlərin iştirakı ilə müzakirə olunacaq.
1043
1043
