Beynəlxalq Şahmat Federasiyasının (FIDE) mart ayı üçün reytinq cədvəli açıqlanıb.
YeniAvropa FIDE-nin rəsmi saytına istinadən xəbər verir ki, ilk “onluq”da Azərbaycan şahmatçıları yer almayıblar.
Ötən reytinqlə müqayisədə yeddi pillə irəliləyən Şəhriyar Məmmədyarov (2734) 19-cı sıraya yüksəlib.
Teymur Rəcəbov (2723) isə 25-ci pillədəki mövqeyini qoruyub. Rauf Məmmədov (2651) 85-ci sıraya qalxıb, Nicat Abasov isə ilk “100-lüy”ü tərk edib.
Siyahıya əvvəlkitək norveçli Maqnus Karlsen (2830) başçılıq edir. ABŞ təmsilçiləri Fabiano Karuana (2804) və Hikaru Nakamura (2789) müvafiq olaraq 2-3-cü yerləri bölüşdürürlər.
Azərbaycanın qadın şahmatçıları arasında ən yaxşı göstərici Günay Məmmədzadəyə (2449) məxsusdur. Ötən ay reytinqlə müqayisədə 1 pillə geriləyən qrosmeyster 27-ci yeri tutur. Ülviyyə Fətəliyeva (2384) 67-ci, Gövhər Beydullayeva (2374) 77-ci, Gülnar Məmmədova (2351) 102-ci sıraya geriləyiblər.
2016
2016
