Kollektiv Təhlükəsizlik Müqaviləsi Təşkilatında (KTMT) üzvlüyün “dondurulması” rejimi mövcud deyil.
YeniAvropa xəbər verir ki, bu barədə jurnalistlərə Rusiya prezidentinin mətbuat katibi Dmitri Peskov bildirib.
“Müvafiq sənədlərə baxsaq görərik ki, KTMT-nin planında belə rejim mövcud deyil. Təmas saxlayacağıq, aydınlaşdıracağıq”, -deyə D.Peskov jurnalistlərə bildirib.
O əlavə edib ki, Ermənistanın KTMT-dən çıxması ilə bağlı mövqeyi də hələ aydın deyil.
Xatırladaq ki, bir neçə gün əvvəl Ermənistanın baş naziri Nikol Paşinyan Ermənistanın KTMT-də üzvlüyünü “dondurduğunu” bəyan edib.
Bunun ardından isə KTMT-nin bəyanatında bildirilib ki, üzvlüyü dayandırılması ilə bağlı İrəvandan təşkilata hər hansı bir müraciət daxil olmayıb.