Macarıstan Ukraynaya silah tədarükünü maliyyələşdirən Avropa Sülh Fondunun vəsaitlərinin artırılmasına veto qoymayacaq.
YeniAvropa xəbər verir ki, bunu Macarıstanın xarici işlər və xarici iqtisadi əlaqələr naziri Peter Siyarto KİV-ə müsahibəsində bildirib.
Qeyd edib ki, Avropa Komissiyası Aİ ölkələrinin Kiyevə silah tədarükünü kompensasiya etmək məqsədilə bu il Avropa Sülh Fondunun vəsaitlərini 5 milyard avroya qədər artırmağı təklif edib.
Peter Siyarto Macarıstanın bu məsələ ilə bağlı mövqeyini belə izah edib: “Biz bu məsələ ilə məşğul olmayacağıq, çünki silah tədarükü bizim üçün qırmızı xətt deməkdir. Amma Macarıstan başqalarına bu məsələdə mane ola bilməz və bunu etməyəcək”.
1680
1680
