Budapeştdə “Yaşıl beşlik” ölkələri nazirlərnin mətbuat konfransı olub
Macarıstanın paytaxtındakı “Groupama” stadionunun konfrans zalında "Yaşıl dəhliz"ə üzv dövlətlərin - Azərbaycan, Gürcüstan, Bolqarıstan, Rumıniya və Macarıstanın 5-ci nazirlər iclasının nümayəndə heyətlərinin başçılarının mətbuat konfransı təşkil edilib.
YeniAvropa xəbər verir ki, nümayəndə heyətlərinin rəhbərlərinin çıxışlarından əvvəl bugünkü iclasın protokolunun imzalanması mərasimi keçirilib.
Daha sonra ev sahibi kimi mətbuat konfransını açıq elan edən Macarıstanın xarici işlər və ticarət naziri Peter Siyarto Azərbaycandan Gürcüstan, Qara dənizin dibi, daha sonra Bolqarıstan və Rumıniya ərazisindən "yaşıl" enerjinin ölkəsinə gətirilməsi layihəsinin icra edilməsində hazırkı müzakirələrin əhəmiyyətini vurğulayıb. Onun sözlərinə görə, bu layihənin qeyri-adiliyi həm də ondan ibarətdir ki, dənizin dibi ilə təxminən 1100 kilometr uzunluğunda kabel xəttinin çəkilməsi nəzərdə tutulur.
Azərbaycanın energetika naziri Pərviz Şahbazov isə öz növbəsində ölkələrimiz arasında yüksək səviyyəli əməkdaşlığın əldə olunduğunu bildirib. Onun sözlərinə görə, təkcə bu il Azərbaycanın dövlət başçısı Macarıstana iki dəfə səfər edib və tezliklə Baş nazir Viktor Orbanın Bakıya səfəri gözlənilir. “Biz həmişə Avropa İttifaqının bütün sahələrdə, xüsusən də enerji resurslarının tədarük edilməsində etibarlı tərəfdaşı olmuşuq və olmaqda davam edirik", - deyə nazir qeyd edib.
Gürcüstan Baş nazirinin müavini və ölkənin iqtisadiyyat və davamlı inkişaf naziri Levan Davitaşvili transsərhəd əməkdaşlığının vacibliyini vurğulayıb, ölkəsinin enerji mənbələri sahəsində böyük potensialını qeyd edib, xüsusilə çox sayda çayların olduğunu vurğulayıb. O, tezliklə Avropa İttifaqının Gürcüstana Aİ-yə üzv olmaq üçün namizəd statusu verəcəyinə ümidvar olduğunu bildirib.
Rumıniyanın energetika naziri Sebastyan Burduja çıxışında özəl sektorun enerji layihələrinə cəlb edilməsinin vacibliyini vurğulayıb, Bolqarıstanın energetika nazirinin müavini İva Petrova isə qarşıya qoyulan bütün məqsədlərə nail olunacağına əminliyini ifadə edib.
Azərbaycanın turizm potensialı Frankfurt sərgisində
Günəşdə son on il ərzində ən güclü partlayış olub
Şeyxülislam Lissabonda Qlobal Forumdaiştirak edir
Ceyhun Bayramov Belarusun xarici işlər naziri ilə görüşüb
"Günaybank”dakı əmanətlərinin qaytarılması prosesi başa çatır
Rusiya sülhməramlılarının Azərbaycanı tərk etməsi yaxında yekunlaşacaq
Ağcabədidə dəm qazından zəhərlənən 2 azyaşlıdan biri ölüb
8 Azərbaycan vətəndaşı Suriyadan repatriasiya edilib
“Mançester Siti” Çempionlar Liqasından kənarlaşdırıla bilər
Sabah Bakıda arabir yağış yağacaq, 20° isti olacaq
Dələduzluqda təqsirləndirilən 2 şəxs Özbəkistana təhvil verilib
Biləsuvarda ağır avtoqəza: 1 nəfər ölüb, 4 yaralı var
Ötən gün cinayət törətməkdə şübhəli bilinən 60 nəfər saxlanılıb
Sinqapur prezidenti Milli Məclisin sədri Sahibə Qafarovanı qəbul edib
Gömrük orqanlarına xidmətə qəbul üçün müsabiqə elan edilir
Bu gün Tbilisidə Azərbaycan, Gürcüstan, Rumıniya və Macarıstan nazirlərinin görüşü keçiriləcək
Bakıda “GSMA M360 Eurasia 2024” konfransı keçirilir
Çində sayca 6-cı Azərbaycan Ticarət Evi açılıb
Bakıda “Fintex Sammit 2024” işə başlayıb
Ölkədaxili nağdsız ödənişlərin həcmi 16 milyard manatı ötüb
Bakıda Azərbaycan Beynəlxalq Qida Sənayesi sərgisi keçirilir
"Şahdağ"a və Gədəbəyə qar yağıb
Azərbaycan nefti 84,48 dollara satılır
Bu gündən müəllimlərin işə qəbulu üzrə sənəd qəbuluna başlanılır
ABŞ Ukraynaya daha bir “Patriot” sistemi göndərir