Şamaxıda II Üzüm və Şərab Festivalı keçiriləcək
Dövlət Turizm Agentliyi və Şamaxı Rayon İcra Hakimiyyətinin təşkilatçılığı ilə noyabrın 25-26-da Şamaxı şəhərinin Meysəri kəndində keçiriləcək İkinci Üzüm və Şərab Festivalının hazırlıqlarına həsr olunan tədbir təşkil olunub.
Dövlət Turizm Agentliyindən YeniAvropa-ya bildirilib ki, 20 şərab istehsalçısı olan müəssisənin təmsil olunduğu tədbirdə qonaqlara festival və şərab istehsalçılarının təqdim edəcəyi çeşidli məhsullar barədə məlumat verilib, şərabçıların yerləşmə mövqeyinə dair püşkatma mərasimi keçirilib.
Festivalın məqsədi yerli üzüm və şərab istehsalının təşviqi, şərab məhsullarının ixrac potensialının artırılması, Azərbaycanda üzümçülük və şərab istehsalı tarixinin və bu sahədə görülən işlərin geniş ictimaiyyətə çatdırılmasıdır.
İki gün davam edəcək festival çərçivəsində şərab istehsalçılarının stendləri, şərab dequstasiyaları, yarmarkalar, musiqili-əyləncəli proqramlar və müxtəlif master-klaslar təşkil olunacaq. Festival ərazisi sərgi, əyləncə, piknik, suvenir, kulinariya kimi zonalara bölünəcək. Ziyarətçilər yerli və xarici istehsalçıların şərab məhsullarını dequstasiya edə, həmçinin bəyəndikləri məhsulları əldə edə biləcəklər.
Şərab festivalına qeydiyyat iticket.az saytı vasitəsilə həyata keçirilir. Ödənişsiz qeydiyyatdan keçən şəxslərin Bakıdan Meysəri kəndinə aparılıb-gətirilməsi təşkil olunacaq.
Qeyd edək ki, Dövlət Turizm Agentliyi tərəfindən Azərbaycanın beynəlxalq səviyyədə tanınan yerli üzüm sortlarının və şərab növlərinin mövcudluğu nəzərə alınaraq şərabçılıq turizminin beynəlxalq səviyyədə təbliğatı aparılır. Ölkəmizdə qərb, şimal və şimal-qərb turizm marşrutları üzrə, o cümlədən Xocavənd rayonunun Tuğ qəsəbəsində mövcud qədim şərabçılıq ənənələrinin yaşadılması və turizm məqsədli istifadəsi əsas inkişaf istiqamətləri sırasındadır.
Azərbaycan 20 ölkənin şərabçılıq marşrutunu özündə birləşdirən, Avropa Şurası və Avropa Mədəni Marşrutlar İnstitutu tərəfindən şərab irsi və şərabçılıq turizmini, eləcə də dayanıqlı turizm növlərini təşviq etmək məqsədilə yaradılmış “İter Vitis” maddi və qeyri-maddi şərabçılıq mədəni marşrutunun üzvüdür.
Azərbaycanda cari ildə 16,7 milyard m3 qaz hasil edilib
İlham Əliyev Çin nümayəndə heyətini qəbul edib
Biz delimitasiyasını tarixi hadisə kimi dəyərləndiririk-Ceyhun Bayramov
Azərbaycan hər zaman ATƏT-in təməl prinsiplərinə riayət edilməsinin tərəfdarı olub
ATƏT Azərbaycanla Ermənistan arasında bütün praqmatik məsələləri dəstəkləyir
Sabah Bakıda qısamüddətli yağış yağacaq, 19° isti olacaq
Vladimir Putin Nikolay Patruşevi özünə köməkçi təyin etdi
Avropa Bankı ötən il Azərbaycana 13 milyard avro sərmayə yatırıb
İlin əvvəlindən Azərbaycanda neft hasilatı 6 faiz azalıb
Bakıda “Ailə Festivalı” keçiriləcək
Göydəniz Qəhrəmanov yenidən ATAA-nın sədri seçilib
Azərbaycan dünya çempionatında 11 cüdoçu ilə təmsil olunacaq
Milli Məclisin sədri Sahibə Qafarova Sinqapura rəsmi səfərə gedib
Azərbaycan Milli QHT Forumunun qurultayı keçirilir
“Qarabağ” qadın həndbol komandası ölkə çempionu olub
Araz çayı üzərində monitorinqlər aparılır
Azərbaycandan 4 ayda 8,5 milyard m3 qaz ixrac edilib
İlham Əliyev ATƏT-in sədrini qəbul edib
Azərbaycan-Qazaxıstan futbol matçının saatı dəyişdirilib
Faktiki hava: Ölkə ərazisində şimşək çaxıb,leysan və qar yağıb
Ötən gün cinayət törətməkdə şübhəli bilinən 45 nəfər saxlanılıb
Azərbaycan nefti 84,48 dollara satılır
Antoni Blinken Kiyevə gəlib
Azərbaycan və Ermənistanın tezliklə sülh razılaşmasına nail olmasını dəstəkləyirik-ABŞ DD
Şuşa şəhərinə daha 38 ailə köçürülüb