EURO-2024: Türkiyə millisi final mərhələsinə vəsiqə qazanıb

EURO-2024-ün seçmə mərhələsində VIII tura start verilib.

YeniAvropa xəbər verir ki, ilk oyun günündə səkkiz qarşılaşma keçirilib.

A qrupunda Gürcüstan millisi evdə Kipri 4 cavabsız qolla darmadağın edib. Norveç yığması isə öz meydanında İspaniyaya uduzub.

D qrupunda yer alan Türkiyə seçməsi final mərhələsinə vəsiqəni təmin edib. "Ay-ulduzlular" buna Konyada Latviyanı 4:0 hesabı ilə məğlub etməklə nail olub. Meydan sahiblərinin heyətində qolları 58-ci dəqiqədə Yunus Akgün, 83-cü və 90+2-ci dəqiqələrdə Cenk Tosun, 88-ci dəqiqədə Kerem Aktürkoğlu vurub. Qrupun digər matçında Uels evdə Xorvatiyanı üstələyib.

E qrupunda Çexiya Farer adaları üzərində qələbə qazanıb. Polşa millisi isə doğma meydanda Moldovanı uda bilməyib.

İ qrupunda İsveçrə Belarusla məhsuldar heç-heçə edib - 3:3. Rumıniya evdə Andorranı 4:0 hesabı ilə darmadağın edib. Bu qrupun Kosovo - İsrail matçı hərbi vəziyyətlə əlaqədar təxirə salınıb.

EURO-2024-ün seçmə mərhələsi

VIII tur

15 oktyabr

A qrupu

17:00. Gürcüstan - Kipr - 4:0

22:45. Norveç - İspaniya - 0:1

Xal durumu: İspaniya - 15 (6 oyun), Şotlandiya – 15 xal (6), Norveç – 10 (7), Gürcüstan – 7 (6), Kipr – 0 (7)

D qrupu

22:45. Türkiyə - Latviya - 4:0

22:45. Uels - Xorvatiya - 2:1

Xal durumu: Türkiyə - 16 (7), Uels - 10 (6), Xorvatiya – 10 (6), Ermənistan – 7 (6), Latviya – 3 (7)

E qrupu

20:00. Çexiya - Farer adaları - 1:0

22:45. Polşa - Moldova - 1:1

Xal durumu: Albaniya – 13 (6), Çexiya - 11 (6), Polşa - 10 (7), Moldova – 9 (6), Farer adaları – 1 (7)

İ qrupu

20:00. İsveçrə – Belarus - 3:3

22:45. Rumıniya - Andorra - 4:0

Xal durumu: Rumıniya - 16 (8), İsveçrə - 15 (7), İsrail – 11 (6), Kosovo – 7 (7), Belarus – 6 (8), Andorra – 2 (8)

Qeyd edək ki, daha əvvəl Fransa, Belçika və Portuqaliya yığmaları final mərhələsinə vəsiqə əldə ediblər.