Bu gün UEFA Çempionlar Liqasında qrup mərhələsinin matçlarına start veriləcək.
YeniAvropa xəbər verir ki, ilk oyun günündə E, F, G və H qruplarının görüşləri baş tutacaq.
E qrupunda Niderland “Feyenoord”u Şotlandiya “Seltik”ini, İtaliya “Latsio”su İspaniya “Atletiko”sunu qəbul edəcək.
F qrupunda İngiltərə “Nyukasl”ı İtaliyada “Milan”ın, Almaniyanın “Borussiya” (Dortmund) klubu Fransada PSJ-nin qonağı olacaq.
G qrupunda Almaniyanın “Leyptsiq” komandası İsveçrədə “Yanq Boyz”la, “Mançester Siti” isə İngiltərədə Serbiyanın “Srvena Zvezda” klubu ilə qarşılaşacaq.
Nəhayət, H qrupunda İspaniya çempionu “Barselona” doğma meydanda Belçika “Antverpen”ini, Ukrayna “Şaxtyor”u isə Portuqaliyanın “Portu” komandasını sınağa çəkəcək.
Çempionlar Liqası
Qrup mərhələsi, I tur
19 sentyabr
E qrupu
23:00. “Feyenoord” (Niderland) – “Seltik” (Şotlandiya)
23:00. “Latsio” (İtaliya) – “Atletiko” (İspaniya)
F qrupu
20:45. “Milan” (İtaliya) – “Nyukasl” (İngiltərə)
23:00. PSJ (Fransa) – “Borussiya” (Dortmund, Almaniya)
G qrupu
20:45. “Yanq Boyz” (İsveçrə) – “Leyptsiq” (Almaniya)
23:00. “Mançester Siti” (İngiltərə) – “Srvena Zvezda” (Serbiya)
H qrupu
23:00. “Barselona” (İspaniya) – “Antverpen” (Belçika)
23:00. “Şaxtyor” (Ukrayna) – “Portu” (Portuqaliya)
Qeyd edək ki, A, B, C və D qrupunun oyunları sentyabrın 20-də keçiriləcək.
1568
1568
