Faktiki hava: "Şahdağ"a qar yağıb

Milli Hidrometeorologiya Xidmətinin sentyabrın 13-ü saat 09-00-a olan məlumatına əsasən, ölkə ərazisində yağıntılı hava şəraiti davam edib, şimşək çaxıb, arabir leysan xarakterli yağış yağıb. Bəzi yerlərdə yağıntılar intensiv və güclü olub. "Şahdağ"da 2 min 750 metr hündürlüyə qar yağıb.

Xidmətdən YeniAvropa-ya verilən məlumata görə, düşən yağıntının miqdarı: Qəbələdə 57 (aylıq normanın 73 faizi), Göyçayda 41 (aylıq normanın 108 faizi), İsmayıllıda 40 (aylıq normanın 51 faizi), Qaxda (Sarıbaş) 39, Şəkidə 37, Şahdağda 31, Oğuzda 27, Qobustanda 25 (aylıq normanın 82 faizi), Xaltanda 24 (aylıq normanın 50 faizi), Kürdəmirdə 23 (aylıq normanın 69 faizi) , İmişlidə 23 (aylıq normanın 116 faizi), Qrızda 21 (aylıq normanın 44 faizi), Zərdabda 20 (aylıq normanın 68 faizi), Sabirabadda 19 (aylıq normanın 96 faizi), Biləsuvarda 17 (aylıq normanın 98 faizi), Ağsu, Ağdamda 16 (aylıq normanın 47 faizi), Lənkəranda 14, Şamaxıda 13, Altıağac, Balakən, Naxçıvan, Yevlax, Quba, Ordubad, Tərtər, Şabran, Sədərək, Şərur, Mingəçevir, Gədəbəy, Şəmkir, Beyləqan, Cəfərxan, Neftçala, Yardımlı, Qusar, Şahbuz, Tovuz, Lerik, Ağstafa, Gəncə, Naftalan, Daşkəsən, Bərdədə 10, Bakıda 12 (aylıq normanın 70 faizi), Maştağada 5, Pirallahıda 2, Sumqayıtda 3 millimetrədək olub.

İntensiv yağışlar nəticəsində sentyabrın 13-ü saat 8 radələrində Qəbələ rayonu ərazisindən keçən Dəmiraparançay və Şəki rayonu ərazisində keçən Damarçın çayından sel keçib.

Gəncə, Daşkəsən, Göygöl, Naftalan, Şəmkir, Oğuz, Şamaxı, Qrız, Şəki, Balakən, Lerikdə duman müşahidə olunub. Dumanda görmə 50-500 metrədək məhdudlaşıb.

Ölkə ərazisində müşahidə olunan qeyri-sabit, yağıntılı hava şəraitinin sentyabrın 14-ü gündüz saatlarından tədricən kəsiləcəyi gözlənilir.