“Qarabağ” komandası UEFA Avropa Liqasının qrup mərhələsinin oyunları üçün iştirak ərizəsini açıqlayıb.
Klubdan YeniAvropa-ya verilən məlumata görə, əvvəlki ilə müqayisədə hazırkı siyahıda dörd dəyişiklik edilib.
Türkiyənin “Adana Demirspor” komandasına keçən qapıçı Şahruddin Məhəmmədəliyevin əvəzinə iştirak ərizəsinə gənc qolkiper Amin Ramazanovun adı əlavə olunub. Bundan başqa, zədəli Marko Veşoviç və daha əvvəl adı B siyahısında göstərilən hücumçu Nəriman Axundzadə A siyahısına salınıb.
Adama Diakabi isə qrup oyunları üçün sifariş olunmayıb.
Qapıçılar: 23. Luka Quqeşaşvili, 89. Amin Ramazanov, 99. Andrey Lunyov
Müdafiəçilər: 2. Mateus Silva, 4. Rahil Məmmədov, 5. Maksim Medvedev, 13. Bəhlul Mustafazadə, 29. Marko Veşoviç, 30. Abbas Hüseynov, 44. Elvin Cəfərquliyev, 55. Bədavi Hüseynov, 81. Kevin Medina, 83. Nihad Quliyev
Yarımmüdafiəçilər: 6. Julio Romao, 7. Yassin Benzia, 8. Marko Yankoviç, 10. Abdullah Zubir, 15. Leandro Andrade, 20. Riçard Almeyda, 27. Toral Bayramov, 66. Patrik Andrade
Hücumçular: 99. Redon Cica, 17. Hamidu Keyta, 18. Juninyo, 90. Nəriman Axundzadə
Qeyd edək ki, “Qarabağ” Avropa Liqasında Almaniyanın “Bayer”, İsveçin “Hekken” və Norveçin “Molde” klubları ilə H qrupunda mübarizə aparacaq.
2128
2128
