Gürcüstanda yağan leysan yağışları və güclü qar səbəbindən ciddi problemlər yaranıb.Gürcüstandan Rusiya və Türkiyə sərhədlərinə gedən yollarda bütün növ avtomobillərin hərəkəti dayandırılıb.
YeniAvropa xəbər verir ki, bu barədə Gürcüstanın Avtomobil Yolları Departamentindən məlumat verilib.
Bildirilir ki, güclü yağış və qar nəticəsində yollar buz bağlayıb, torpaq sürüşməsi və qar uçqunu təhlükəsi artıb, görmə məsafəsi 1-2 metrə qədərdir.
Hazırda Rusiya sərhədinə gedən Mtsxeta-Stepandtsminda – Lars avtomagistralının Qudauri-Kobi hissəsində bütün növ avtomobillərin hərəkəti dayandırılıb.
Eyni zamanda, Türkiyə sərhədinə gedən yolun Qomi-Saçxare-Çiatura-Zestafoni magistralında da eyni vəziyyətdir.
Hazırda yollarda avtomobil karvanının uzunluğu 30 kilometrə çatır.
Yollarda Azərbaycan, Ukrayna, Rusiya və Türkiyəyə məxsus yüzlərlə avtomobil dayanıb.
Bu avtomobillərin çoxu Ermənistana məxsusdur. Ermənistana gedən və geri qayıdan yük avtomobillərinin sayı, ümumi maşın karvanının 70 faizini təşkil edir.
Gürcüstanın Ətraf Mühit Milli Agentliyindən bildirilib ki, kəskin hava şəraiti fevralın 8-i günün sonunadək davam edəcək.
Qeyd edək ki, Gürcüstanın Qara dəniz bölməsində də 4-5 ballıq qasırğa ilə bağlı xəbərdarlıq olunub.
1848
1848
