UEFA ÇL: “Qarabağ” növbəti mərhələdə “Sürix”lə qarşılaşacaq
İyulun 12-də Ağdamın “Qarabağ” klubu UEFA Çempionlar Liqasının birinci təsnifat mərhələsinin cavab oyunları çərçivəsində Polşanın “Lex” komandasını qəbul edib.
YeniAvropa xəbər verir ki, Tofiq Bəhramov adına Respublika Stadionunda keçirilən matçda Ağdam təmsilçisinin start heyətində Şahruddin Məhəmmədəliyev, Maksim Medvedev, Riçard Almeyda, Marko Yankoviç, Abdullah Zubir, Filip Ozobiç, Kadi Borges, İbrahima Vadji, Marko Veşoviç, Elvin Cəfərquliyev və Kevin Medina yer alıblar.
“Lex” komandasının heyətində isə meydana Artur Rudko, Joel Pereyra, Pedro Reboşu, Yesper Karlström, Mikael İshak, Antonio Miliç, Mixal Skuras, Radoslav Muravski, Kristoffer Velde, Joao Amaral və Lubomir Şatka çıxıblar.
İngiltərəli baş hakim Endryu Medlinin idarə etdiyi oyunda hesabı Polşa çempionu açıb. Matçın 1-ci dəqiqəsində Kristoffer Velde fərqlənib. Görüşün 14-cü dəqiqəsində “Qarabağ”ın oyunçusu Kadi Borges hesabı bərabərləşdirib. Qarşılıqlı hücumlar şəraitində keçən oyunun 42-ci dəqiqəsində Filip Ozobiç baxımlı qola imza atıb və komandasını hesabda önə keçirib. Ağdam təmsilçisi fasiləyə üstün yollanıb.
İkinci hissəyə fəal başlayan “Qarabağ” 56-cı dəqiqədə Kevin Medina, 74-cü dəqiqədə K.Borges və 77-ci dəqiqədə Abbas Hüseynovun qolları ilə qələbəsini rəsmiləşdirib.
Beləliklə, “Qarabağ” rəqibini 5:1 hesabı ilə məğlub edib.
Poznandakı ilk matçda “Qarabağ” minimal hesabla uduzub - 0:1. İki oyunun nəticəsinə görə Ağdam klubu turnirin ikinci təsnifat mərhələsinə yüksəlib.
“Qarabağ” ikinci təsnifat mərhələsində İsveçrənin "Sürix" klubu ilə qarşılaşacaq. Ağdam klubu ilk oyunu iyulun 19-da evdə, cavab matçını isə 1 həftə sonra səfərdə keçirəcək.
Ağdam klubu matçdan əvvəl Tovuz döyüşlərinin ikinci ildönümü ilə əlaqədar Vətən müharibəsi iştirakçılarına anlamlı jest edib. Qazilərin iştirakı ilə konsert proqramı təşkil olunub. Bundan başqa, müharibə iştirakçılarına matçı izləmək üçün tribunada xüsusi yer ayrılıb.
“Lex” isə UEFA Konfrans Liqasının ikinci təsnifat mərhələsində "Slovan" (Slovakiya) – "Dinamo" (Batumi, Gürcüstan) cütünün güclüsü ilə üz-üzə gələcək.
Qeyd edək ki, sonuncu dəfə 1993/1994-cü il mövsümündə Rusiyanın "Spartak" (Moskva) klubu Çempionlar Liqasında "Lex"ə 5 qol vurub. 1993-cü il oktyabrın 20-də keçirilmiş səfər matçında Moskva komandası 5:1 hesablı qələbə qazanıb.
Si Cinpin-Blinken görüşü gərgin keçib
İlham Əliyev: Sülhə nail olmaq üçün çox yaxşı fürsətlər var
Azərbaycan-Ermənistan sülh danışıqlarını yüksək qiymətləndiririk-Prezident
“Ehtiyat zabit hazırlığı kursu”na növbəti qəbul başlayır
Minifutbol millimizə yeni idman direktoru təyin edilib
Azərbaycan Avropa üçün həm də yaşıl enerji təchizatçısı olacaq-İlham Əliyev
"Günəşli"də neft hasilatı dayandırılıb?
Sabah Bakıda 29° isti olacaq
Berlində Azərbaycan və Almaniya liderlərinin təkbətək görüşü olub
Avropa Parlamentinin qətnaməsində Azərbaycanla bağlı vəziyyət açıq şəkildə təhrif edilib-XİN
Türkiyə-Rusiya Birgə Monitorinq Mərkəzi vəzifəsinin öhdəsindən layiqincə gəlib-Kərim Vəliyev
Bakıda “Qida Təhlükəsizliyi” simpoziumu keçirilib
Uzun illər Avropa bazarlarına nəql ediləcək neft-qaz resurslarımız var
Naxçıvanda QHT-lərin IV İnkişaf və Mübadilə Proqramı keçiriləcək
Türkiyə-Rusiya Birgə Monitorinq Mərkəzinin bağlanış mərasimi keçirilib
İlham Əliyev Berlində “15-ci Petersberq İqlim Dialoqu”nun Yüksək Səviyyəli seqmentində iştirak edib
AFFA “Neftçi”nin şikayətini təmin etməyib
Astanada ŞƏT ölkələri müdafiə nazirlərinin görüşü keçirilir
Xəzərdə “Dalğa-2024” birgə taktiki təlimi başa çatıb
Avropa çempionatı:Bu gün 3 cüdoçumuz mübarizəyə qoşulur
Daha 39 ailə Füzuliyə köçürülüb
Azərbaycan nefti 88,90 dollara satılır
Nazir və komitə sədrlərinin may ayında vətəndaşların qəbulu CƏDVƏLİ
Astarada avtoxuliqanlıq edən sürücülər həbs olunub
Almaniya Azərbaycanı COP29-da dəstəkləməyə hazırdır