Dövlət Ekoloji Təhlükəsizlik Xidmətinin əməkdaşlarının ölkə ərazisində fəaliyyət göstərən şadlıq saraylarında, restoranlarda və ictimai-iaşə obyektlərində keçirdikləri monitorinqlər zamanı bir sıra obyektlərdə quraşdırılan qaz-toztutucu qurğuların vəziyyətinin qeyri-qənaətbəxş olduğu qeydə alınıb.
YeniAvropa xəbər verir ki, bunu Xidmət rəisi Hikmət Əlizadə bildirib.
O qeyd edib ki, bir çox obyekt və restoranlarda təmizləyici qurğuların quraşdırılmasına baxmayaraq, onlara vaxtaşırı xidmət göstərilmədiyindən havaya normadan artıq tullantı atılır. Bu da sakinlərin haqlı narazılığına səbəb olur.
“Ramazan ayının başlaması ilə əlaqədar bir çox şadlıq saraylarının, restoranların və ictimai-iaşə obyektlərinin fəaliyyətində fasilə yaranması fürsətindən istifadə edərək obyekt sahibləri qurğulara texniki xidmət göstərilməsi, filtrlərin vaxtında təmizlənməsi məqsədilə zəruri tədbirlər görməlidir”, - deyə H.Əlizadə qeyd edib.
3885
3885
