Ölkə ərazisinin meşə fondu torpaqlarının açıq ərazilərində yaz ağac əkini çərçivəsində silsilə ağacəkmə və meşəbərpa tədbirləri davam edir.
Meşələrin İnkişafı Xidmətinin rəsmisi Cabbar Qəribov AZƏRTAC-a bildirib ki, bu gün Tovuz, Ağstafa, Göygöl rayonlarının meşə fondu torpaqlarının 6,5 hektar ərazisində 10 min 775 meşəcinsli ağac əkilib.
“Yaz ağac əkini başlayandan bu günədək meşə fondu torpaqlarında ümumilikdə 303 hektar ərazidə 600 minə yaxın meşəcinsli ağac əkilib, 5800 kiloqram palıd və göyrüş toxumu səpilib”, - deyə C.Qəribov qeyd edib.
3857
3857
