Firdovsi Umudov: "Problemli yerdə nəticə ola bilərmi?" - MÜSAHİBƏ
Sərbəst güləş üzrə Azərbaycan millisinin baş məşqçisi və Azərbaycan Güləş Federasiyasının vitse-prezidenti Firdovsi Umudovun müsahibəsi:
- Güləş üzrə yığma komandalar Göygöl rayonunda təlim-məşq toplanışındadır. Hazırlıq prosesi necə keçir?
- Komandalar hazırda beynəlxalq yarışlara hazırlaşır. Göygöldəki təlim-məşq toplanışı iyulun 7-dək davam edəcək. Sonra isə Olimpiya Güləş Mərkəzində hazırlıqları davam etdirəcəyik. Yığma komandalar beynəlxalq turnirlərdə iştirak etdikdən sonra dünya çempionatına hazırlaşacağıq.
- Tez də olsa, soruşmaq istərdik: Dünya çempionatında iştirak etmək üçün indidən seçdiyiniz güləşçilər varmı?
- Dünya çempionatına hələ çox var. Qarşıda bizi beynəlxalq turnirlər gözləyir. Həmin turnirlərdə güləşçiləri yoxlayacağıq. Beynəlxalq turnirlərin nəticələrinə əsasən, dünya çempionatı üçün heyəti müəyyənləşdirəcəyik. Beynəlxalq yarışlarda özlərini yaxşı tərəfdən göstərən güləşçilər dünya çempionatında iştirak edəcək.
- Dünya çempionatına harada hazırlaşacaqsınız?
- Hazırda Göygöldəyik. Bu məsələyə isə plana əsasən qərar verəcəyik. Ola bilsin, dünya çempionatına Türkiyədə hazırlaşdıq. Həmin ölkədə də təlim-məşq toplanışı gözlənilir. Hazırda Bakıda hava şəraiti ilə əlaqədar nə isə təşkil etmək çətinlik törədə bilər. Hazırlıq prosesi hansısa rayonda da baş tuta bilər.
- Namiq Əliyevin federasiyanın I vitse-prezidenti postuna qayıdışından sonra maliyyə problemləri həllini tapıb?
- Namiq Əliyev iki aydır federasiyamıza gəlib. Maaşlarımız vaxtlı-vaxtında verilir. Bu barədə heç bir problem yoxdur. Mən də federasiyanın vitse-prezidenti və sərbəst güləş yığmasının baş məşqçisi kimi işlərimi davam etdirirəm. Güləş Federasiyasında hər zaman eyni sistem olub. Biz demək olar ki, eyni komandayıq. Heç bir dəyişiklik baş verməyib. Federasiyamızda problemlər də yoxdur. Problemli yerdə nəticə ola bilərmi? Bu idman növü yaxşı nəticələr göstərə bilirsə, deməli, heç bir problem yoxdur. Əsas nəticədir. Namiq müəllimin gəlişindən əvvəl, mən də həmin işi davam etdirirdim. Eyni sistem üzrə işləyirdik. Namiq Əliyevin bizə həmişə məsləhətləri olub. Hər bir işdə çətinliklər olur. İlin əvvəlində bu vaxta qədər nəticələrə diqqət yetirsək, ən çox hansı idman növü yaxşı nəticələrlə yadda qalıb? Federasiyada hər hansı problem yaransa da, bu məsələni öz aramızda həll etmişik. Hər bir qurum ailədir. Problemlər olduqda onu həll etməyə çalışırıq və demək olar ki, hər biri öz həllini tapır. İnanıram ki, gələcəkdə də daha yaxşı nəticələrimiz olacaq.
- Builki dünya çempionatında güləşçilərdən hansı uğurları gözləyirsiniz?
- Əvvəlcədən proqnoz verməyi xoşlamıram. İstəyirik ki, hazırlıq prosesi yüksək səviyyədə keçsin. Dünya çempionatına hələ vaxtımız var. Əsas odur ki, idmançılarımızda güclü zədələr olmasın. Hər şey hazırlıq prosesindən asılıdır. O yaxşı olsa, dünya çempionatındakı nəticələrimiz də yaxşı olacaq.
- Zədədən söz düşmüşkən, Toğrul Əsgərovun durumu necədir?
- Toğrul hazırda komandamızda məşqlərini davam etdirir. Göygöldə ümumi və xüsusi fiziki hazırlıq üzrə çalışırıq. Toğrul çox istəklidir və təlim-məşq toplanışlarında özünü yaxşı tərəfdən göstərir. ("Report")
Si Cinpin-Blinken görüşü gərgin keçib
İlham Əliyev: Sülhə nail olmaq üçün çox yaxşı fürsətlər var
Azərbaycan-Ermənistan sülh danışıqlarını yüksək qiymətləndiririk-Prezident
“Ehtiyat zabit hazırlığı kursu”na növbəti qəbul başlayır
Minifutbol millimizə yeni idman direktoru təyin edilib
Azərbaycan Avropa üçün həm də yaşıl enerji təchizatçısı olacaq-İlham Əliyev
"Günəşli"də neft hasilatı dayandırılıb?
Sabah Bakıda 29° isti olacaq
Berlində Azərbaycan və Almaniya liderlərinin təkbətək görüşü olub
Avropa Parlamentinin qətnaməsində Azərbaycanla bağlı vəziyyət açıq şəkildə təhrif edilib-XİN
Türkiyə-Rusiya Birgə Monitorinq Mərkəzi vəzifəsinin öhdəsindən layiqincə gəlib-Kərim Vəliyev
Bakıda “Qida Təhlükəsizliyi” simpoziumu keçirilib
Uzun illər Avropa bazarlarına nəql ediləcək neft-qaz resurslarımız var
Naxçıvanda QHT-lərin IV İnkişaf və Mübadilə Proqramı keçiriləcək
Türkiyə-Rusiya Birgə Monitorinq Mərkəzinin bağlanış mərasimi keçirilib
İlham Əliyev Berlində “15-ci Petersberq İqlim Dialoqu”nun Yüksək Səviyyəli seqmentində iştirak edib
AFFA “Neftçi”nin şikayətini təmin etməyib
Astanada ŞƏT ölkələri müdafiə nazirlərinin görüşü keçirilir
Xəzərdə “Dalğa-2024” birgə taktiki təlimi başa çatıb
Avropa çempionatı:Bu gün 3 cüdoçumuz mübarizəyə qoşulur
Daha 39 ailə Füzuliyə köçürülüb
Azərbaycan nefti 88,90 dollara satılır
Nazir və komitə sədrlərinin may ayında vətəndaşların qəbulu CƏDVƏLİ
Astarada avtoxuliqanlıq edən sürücülər həbs olunub
Almaniya Azərbaycanı COP29-da dəstəkləməyə hazırdır