Bakıda azyaşlı qızını döyməkdə və işgəncə verməkdə təqsirləndirilən ataya cinayət işi açılıb.
YeniAvropa xəbər verir ki, bu barədə Baş Prokurorluğun mətbuat xidmətindən bildirilib.
"Xəzər rayon Prokurorluğunda 2017-ci il təvəllüdlü azyaşlı şəxsin döyülməsi, ona əzab verilməsi ilə bağlı araşdırma aparılıb. Polis və prokurorluq əməkdaşları hadisə yerinə baxış keçirib. Araşdırmalar nəticəsinə məlum olub ki, azyaşlının atası döymək və digər zorakı hərəkətlərlə ona güclü fiziki ağrı və psixoloji təzyiq göstərib. Bu səbəbdən azyaşlı sosial xidmət müəssisəsinə yerləşdirilib.
"Bundan başqa, araşdırmalar zamanı müəyyən olunan digər faktlar var. Belə ki, azyaşlının 16 yaşına çatmamış bacısı ərə verilib. Eyni zamanda 2021-ci il dekabrın sonlarında uşaqların anasının üzərinə əri qaynar su töküb. Nəticədə qadın ağır xəsarət alıb.
Qeyd olunan faktlarla bağlı Xəzər rayon Prokurorluğunda Cinayət Məcəlləsinin bir neçə maddəsi ilə cinayət işi başlanılıb və ibtidai istintaqın aparılması üçün Xəzər Rayon Polis İdarəsinin istintaq şöbəsinə göndərilib. İş üzrə müvafiq ekspertizalar müəyyən olunub, o cümlədən şahidlər müəyyən edilərək dindirilir. Baş Prokurorluq uşaqların pozulmuş hüquqlarının bərpası ilə bağlı zəruri tədbirlər görəcək",-deyə məlumatda bildirilib.
2016
2016
