COVID-19-a qarşı II mərhələ peyvənd olunanların sayı 4 milyon 752 min nəfəri ötür
Fevralın 6-da Azərbaycanda 32 min 276 nəfər yeni növ koronavirus (COVID-19) infeksiyası əleyhinə vaksinasiya olunub.
YeniAvropa xəbər verir ki, bu barədə Nazirlər Kabineti yanında Operativ Qərargahdan verilən məlumatda bildirilib. Qeyd edilib ki, gün ərzində birinci mərhələ üzrə vaksinasiya olunanların sayı 2457, ikinci mərhələ üzrə vaksinasiya olunanların sayı 1632, “buster” doza ilə peyvənd olunanların sayı isə 28 min 187 nəfər təşkil edib.
Azərbaycanda bu günə qədər vurulan vaksinlərin ümumi sayı 12 milyon 218 min 555, birinci mərhələ üzrə vurulan peyvəndlərin ümumi sayı 5 milyon 248 min 382, ikinci mərhələ üzrə 4 milyon 752 min 395, vurulan “buster” doza vaksinlərin ümumi sayı isə 2 milyon 217 min 781-dir.
2891
2891
