Bakıdan Şuşaya və Ağdama avtobus biletlərlərinin qiyməti açıqlanıb.
YeniAvropa xəbər verir ki, bu barədə Rəqəmsal İnkişaf və Nəqliyyat Nazirliyi yanında Dövlət Avtomobil Nəqliyyatı Xidmətinin rəisi Anar Rzayev bu gün keçirilən brifinqdə məlumat verib.
Onun sözlərinə görə, Şuşa və Ağdamla yanaşı , eləcə də Əhmədbəyli-Şuşa, Füzuli Hava Limanı-Şuşa və Bərdə-Ağdam istiqamətində də marşrutlar təşkil olunacaq.
"Artıq sınaq səfərləri olub və müvafiq ölçmələr olub. Əhmədbəyli-Şuşa üzrə həftədə 4 dəfə, digər istiqamətlərdə isə həftədə 2 dəfə reyslər olacaq. Bakı-Şuşa-Bakı üzrə biletin qiyməti 10,4 manat, Bakı-Ağdam-Bakı üzrə biletin qiyməti 9,4 manat, Əhmədbəyli-Şuşa-Əhmədbəyli üzrə biletin qiyməti 7 manat, Bərdə-Ağdam-Bərdə üzrə biletin qiymətyi isə 7 manat olacaq",-deyə Xidmətinin rəisi vurğulayıb.
Qeyd edək ki, avtobus biletlər yalnız "yolumuzqarabaga.az" portalı üzərindən satılacaq və hər kəs ildə bir dəfə səfər edə biləcək.
1561
1561
