Serbiyanın paytaxtı Belqradda kişi boksçular arasında dünya çempionatı davam edir.
YeniAvropa xəbər verir ki, mundialın üçüncü günündə Azərbaycan millisinin daha iki üzvü mübarizəyə qoşulacaq. Belə ki, Tayfur Əliyev (60 kq) 1/32 finalda Haiti təmsilçisi Çarlz Petit-Homm ilə qarşılaşacaq. Alfonso Dominges (86 kq) isə 1/16 finalda Beynəlxalq Boks Assosiasiyasının bayrağı altında çıxış edən Tavfiqulla Suleymani ilə üz-üzə gələcək.
Xatırladaq ki, ölkəmiz dünya çempionatında 9 boksçu ilə təmsil olunur. Boksçularımızdan Malik Həsənov (63,5 kq) və Məsud Yusifzadə (51 kq) rəqiblərinə qalib gələrək növbəti mərhələyə vəsiqə qazanıblar.