Azərbaycan Respublikasının Baş Prokurorluğu Ağstafa şəhərində iki azyaşlı uşağa qarşı zorakı hərəkətlər edilməsi barədə bəzi kütləvi informasiya vasitələrində və sosial şəbəkələrdə yayılan məlumatlara münasibət bildirib.
Baş Prokurorluğun mətbuat xidmətindən YeniAvropa-ya bildirilib ki, Gəncə şəhər sakini Həsənova Zəminə Valeh qızının nəvələrinin zorakılığa məruz qalmasına dair müraciəti əsasında Ağstafa rayon Prokurorluğunda araşdırma aparılıb.
Araşdırma ilə Mehralıyeva Səadət Həmid qızının müxtəlif vaxtlarda 2013-cü və 2014-cü il təvəllüdlü ögey övladlarına mütəmadi olaraq döyməklə və sair zorakı hərəkətlərlə əzab verərək onlara çoxsaylı bədən xəsarətləri yetirməsinə əsaslı şübhələr müəyyənləşdirilib.
Faktla bağlı Ağstafa rayon Prokurorluğunda Azərbaycan Respublikası Cinayət Məcəlləsinin 133.1-ci (əzab vermə) maddəsi ilə cinayət işi başlanıb. İstintaqın aparılması Ağstafa Rayon Polis Şöbəsinin istintaq bölməsinə tapşırılıb.
1841
1841
