Bu gün Lerik rayonunun çətin keçilən Orand dağ kəndi ərazisində baş verən ağır avtomobil qəzasında ölən və xəsarət alanların kimliyi məlum olub.
YeniAvropa xəbər verir ki, hadisə zamanı avtomobildə bir ailənin 6 üzvü olub. Onlar kənddən "UAZ" markalı avtomobillə rayon mərkəzinə gedərkən yolun buz bağlaması səbəbindən qəzaya düşüblər. "UAZ"ın yoldan çıxaraq dərəyə aşması nəticəsində 1988-ci il təvəllüdlü Xəqani Orucəli oğlu Rəhimov və onun 2 yaşlı oğlu Hüseyn Xəqani oğlu Rəhimzadə ölüb. Qəza nəticəsində xəsarət alanlardan Elnarə Hacıbaba qızı Rəhimli (1993-cü il təvəllüdlü, ölən uşağın anası), Zəhra Xəqani qızı Rəhimli (2012-ci il), Nigar Xəqani qızı Rəhimli (2016-cı il təvəllüdlü) və Hüseynəli Faiq oğlu Rəhimli (2017-ci il təvəllüdlü) Lənkəran Rayon Mərkəzi Xəstəxanasına yerləşdiriliblər.
Qəzada travma alan "UAZ" markalı avtomobilin sürücüsü, 1989-cu il təvəllüdlü Mail Musa oğlu Rüstəmov isə Lerik Rayon Mərkəzi Xəstəxanasına aparılıb.
4060
4060
