Gənclər və İdman Nazirliyi (GİN) Olimpiya idman növləri üzrə milli komandaların idmançılarının 2024-cü il iyun ayına olan reytinq cədvəlini açıqlayıb.
GİN-in mətbuat xidmətindən YeniAvropa-ya bildiriblər ki, siyahıya 675 xalla bədii gimnastika üzrə qrup hərəkətləri komandası liderlik edir. Bədii gimnast Zöhrə Ağamirova 495 xalla ikinci, 450 xal toplayan cüdoçu Hidayət Heydərov isə üçüncü pillədə qərarlaşıb.
Qeyd edək ki, reytinq xallarının hesablanması Gənclər və İdman Nazirliyinin müəyyən etdiyi qaydalara əsasən aparılır. Növlər üzrə beynəlxalq yarışlar öz reytinqinə əsasən 5 kateqoriyaya bölünür və həmin yarışlarda tutulan yerlərə uyğun olaraq xallar hesablanır.
1918
1918
