logo

Azərbaycan para-atleti ilk dəfə dünya çempionu olub

10:50 20-05-2024 | icon 1015
Azərbaycan para-atleti ilk dəfə dünya çempionu olub

Azərbaycan para-atleti Səid Nəcəfzadə Yaponiyanın Kobe şəhərində keçirilən dünya çempionatında birinci olub.

Milli Paralimpiya Komitəsindən YeniAvropa-ya verilən məlumata görə, o, T12 kateqoriyasında uzunluğa tullanma üzrə yarışda 7.30 metr nəticə ilə dünya çempionu adını qazanıb.

Qeyd edək ki, bu, 25 yaşlı idmançının mundiallarda ilk qızıl medalıdır. Səid Nəcəfzadə ötən il Parisdə təşkil edilmiş dünya çempionatında bürünc mükafat qazanmışdı. O, həmçinin Tokio Paralimpiadasında 3-cü yeri tutub.

Xatırladaq ki, iki gün əvvəl Azərbaycanın qadın para-atleti Lamiyə Vəliyeva 100 metr məsafəyə qaçış üzrə yarışda qızıl medalı əldə edib.