logo

QDİƏT-in turizm üzrə toplantısında “Bakı Bəyannaməsi” qəbul edilib

15:15 23-04-2024 | icon 525
QDİƏT-in turizm üzrə toplantısında “Bakı Bəyannaməsi” qəbul edilib

Aprelin 23-də Dövlət Turizm Agentliyi və Qara Dəniz İqtisadi Əməkdaşlıq Təşkilatının (QDİƏT) birgə təşkilatçılığı ilə QDİƏT-ə üzv dövlətlərin turizm üzrə təhsil müəssisələrinin birinci görüşünün yekununda “Bakı Bəyannaməsi” qəbul edilib.

Dövlət Turizm AgentliyindənYeniAvropa-ya bildirilib ki, bəyannamədə turizm təhsilinin müxtəlif istiqamətlərində, həmçinin tədqiqat və məlumat mübadiləsi, mədəni irsin təbliği, turizm innovasiyaları sahəsində əməkdaşlığın genişləndirilməsi və ilk dəfə təşkil olunan bu görüşün davamlı keçirilməsi niyyəti əksini tapıb.

Görüş çərçivəsində keçirilən dəyirmi masada təşkilata üzv ölkələr arasında turizm təhsili üzrə tərəfdaşlıq imkanlarının genişləndirilməsi, təlim proqramları və turizm təhsili müəssisələrinin vahid şəbəkəsinin yaradılması məsələləri müzakirə olunub.

Qeyd edək ki, aprelin 22-də işinə başlayan tədbirdə Azərbaycan, Türkiyə, Rusiya, Albaniya, Bolqarıstan, Gürcüstan, Yunanıstan, Moldova, Rumıniya, Serbiya və Ukrayna daxil olmaqla təşkilatın 11 üzv ölkəsindən rəsmi dövlət nümayəndələri və turizm təhsili müəssisələrinin təmsilçiləri, həmçinin BMT-nin Ümumdünya Turizm Təşkilatının nümayəndələri iştirak ediblər.