logo

“Bulgaria Air” birbaşa Sofiya-Bakı aviareysinə başlayır

12:02 15-03-2024 | icon 2100
“Bulgaria Air” birbaşa Sofiya-Bakı aviareysinə başlayır

Bolqarıstanın Nazirlər Soveti “Bulgaria Air” aviaşirkətini Sofiya-Bakı-Sofiya birbaşa beynəlxalq reyslərinin yerinə yetirilməsində rəsmi sərnişin daşıyıcısı təyin edib.

YeniAvropa xəbər verir ki, bu barədə Bolqarıstan hökumətinin qərarında deyilir. Qərara əsasən “Bulgaria Air” şirkəti ayda iki dəfə olmaqla Sofiya-Bakı-Sofiya marşrutu üzrə müntəzəm sərnişin reysləri həyata keçirəcək.

"Bu planlar biznesmenlər və tranzit sərnişinlər üçün yeni imkanlar açarkən, həm də iki ölkə arasında səyahəti asanlaşdırmaq üçün nəzərdə tutulub. Bu təşəbbüs Bolqarıstan ilə Xəzər dənizi regionu arasında əlaqənin gücləndirilməsində irəliyə doğru atılmış mühüm addımdır, eyni zamanda, səyahət edənlərə daha çox əlçatanlıq və rahatlıq təklif edir. Vətəndaşlar daha çox səyahət rahatlığı əldə edəcəklər və qonşu ölkələrdən gələn tranzit sərnişinlər bu yeni hava marşrutunun təklif etdiyi mükəmməl uçuşlardan faydalana biləcəklər”-deyə qərarda bildirilir..