logo

Dövlət Vergi Xidmətinə işə qəbul olunanlar belə and içəcəklər

15:15 13-03-2024 | icon 1337
Dövlət Vergi Xidmətinə işə qəbul olunanlar belə and içəcəklər

İqtisadiyyat Nazirliyi yanında Dövlət Vergi Xidmətində (DVX) işə qəbul olunmuş hər kəs Azərbaycan Respublikasının Konstitusiyasına and içəcək.

YeniAvropa xəbər verir ki, bunu DVX-nın rəis müavini Samirə Musayeva Milli Məclisin İqtisadi siyasət, sənaye və sahibkarlıq komitəsinini iclasında deyib.

O bildirib ki, həmçinin vergi işçisi yazılı təminat imzalayır ki, dövlət və kommersiya sirrini qoruyacaq.

Qeyd edək ki, “Dövlət vergi orqanlarında xidmət haqqında Əsasnamə”yə təklif olunan dəyişikliyə əsasən, Dövlət Vergi Xidmətində xüsusi rütbə verilməklə daimi xidmətə qəbul olunmuş vəzifəli şəxslər işə başlamazdan əvvəl aşağıdakı məzmunda andiçəcəklər: “Mən, vergi orqanlarında xidmət keçərkən Azərbaycan Respublikasına sadiq olacağıma, Konstitusiyasına əməl edəcəyimə, dövlət, kommersiya və vergi sirrini, həmçinin xidməti sirri qoruyacağıma, hüquq və vəzifələrimi qərəzsiz, vicdanla, qanuna uyğun həyata keçirəcəyimə, intizamlı olacağıma, vergi işçisinin şərəf və ləyaqətini uca tutacağıma and içirəm”.