logo

Səid Mollayi də Portuqaliyadan bürünc medalla dönür

11:11 28-01-2024 | icon 1834
Səid Mollayi də Portuqaliyadan bürünc medalla dönür

Azərbaycanın daha bir cüdoçusu Portuqaliyanın Odibelaş şəhərində keçirilən Qran-Pri turnirində medal qazanıb.

YeniAvropa xəbər verir ki, 81 kiloqram çəki dərəcəsində mübarizə aparan Səid Mollayi ötən gün bürünc medal uğrunda görüşdə özbəkistanlı Nurbek Murtozoyevə qalib gəlib.

Yığmanın digər üzvləri Rəşid Məmmədəliyev və Nurlan Osmanov (hər ikisi 73 kiloqram) isə turniri medalsız başa vurublar.

Qeyd edək ki, Qran-Pri turnirində bunadək Yaşar Nəcəfov (66 kiloqram) gümüş, Turan Bayramov (60 kiloqram) və Kamran Süleymanov (66 kiloqram) isə bürünc medalın sahibi olublar. Yarışa yanvarın 28-də yekun vurulacaq.