logo

Məşədi Dadaş icması məsciddən çıxaralmayıb-Komitə sədri

11:33 02-05-2023 | icon 980
Məşədi Dadaş icması məsciddən çıxaralmayıb-Komitə sədri

Məşədi Dadaş icmasının sədri və üzvləri hazırda məsciddədirlər.

YeniAvropa xəbər verir ki, bunu Dini Qurumlarla İş üzrə Dövlət Komitəsinin sədri Mübariz Qurbanlı jurnalistlərə açıqlamasında deyib.

O bildirib ki, icmanın məsciddən çıxarılması ilə bağlı sosial şəbəkələrdə yayılan məlumatlar yanlışdır.

Sədr vurğulayıb ki, icma vaxtilə 11 nəfərlə qeydiyyatdan keçib: "İndiki qayda ilə isə 50 nəfərlik bir icma heyəti olacaq. Oradan gedən adamlar mərhum Hacı Şahinin ətrafında olanlar idi. Bu adamların hüquqi baxımdan məscidə heç bir aidiyyəti yox idi. Onlar icma formalaşan zaman vətəndaş kimi icmanın formalaşmasında iştirak edə bilərlər. Amma faktiki olaraq, məscidin icması yerindədir və fəaliyyət göstərir".

Xatırladaq ki, azərbaycanlı ilahiyyatçı, din xadimi, ictimai xadim, "Mənəvi Dünya" Milli-Mənəvi Dəyərlərimizin Təbliği İctimai Birliyini təsisçisi və sədri,Qafqaz Müsəlmanları İdarəsinin Nəsimi rayonu üzrə nümayəndəsi, QMİ-nin Qazilər şurasının üzvü Hacı Şahin bu il martın 2-də 49 yaşında vəfat edib. Onun dəfn mərasimində izdiham yaşanıb.