logo

Ötən il Cənub Qaz Dəhlizi ilə 21 milyard m3 qaz ixrac edilib

11:33 17-03-2023 | icon 1715
Ötən il Cənub Qaz Dəhlizi ilə 21 milyard m3 qaz ixrac edilib

Ötən il Cənub Qaz Dəhlizi vasitəsilə ümumilikdə 21 milyard kubmetr, o cümlədən Avropaya 11,4 milyard kubmetr qaz ixrac edilib.

YeniAvropa xəbər verir ki, bunu baş nazir Əli Əsədov Milli Məclisin plenar iclasında Azərbaycan Respublikası Nazirlər Kabinetinin 2022-ci ildə fəaliyyəti haqqında hesabatın təqdimatı zamanı deyib.

2022-ci ildə, həmçinin Azərbaycan ilə Avropa İttifaqı arasında energetika sahəsində strateji tərəfdaşlıq haqqında Memorandumun imzalandığını vurğulayan Baş nazir qeyd edib ki, sənədə əsasən, 2027-ci ilədək TANAP-la qaz nəqlinin indiki 16 milyard kubmetrdən 31 milyard kubmetrə, TAP-la isə 11 milyard kubmetrdən 20 milyard kubmetrə çatdırılması nəzərdə tutulur. Bütün bunlar Avropanın qaz bazarında Azərbaycanın rolunun artırılması məqsədinə xidmət edir.