Bakıda əczaçılıq üzrə Hindistan-Azərbaycan biznes forumu keçirilib
Martın 16-da Hindistanın Bakıdakı səfirliyi əczaçılıq üzrə Hindistan-Azərbaycan biznes tədbiri təşkil edib.
YeniAvropa xəbər verir ki, tədbir iki hissədən ibarət olub. Əvvəlcə əczaçılıq sektorunda Hindistan-Azərbaycan əməkdaşlığına dair konfrans keçirilib.
Konfransda çıxış edən Hindistanın Əczaçılıq Məhsullarının İxracının Təşviqi Şurasının (Pharmexcil) Tənzimləmə şöbəsinin direktoru Lakşmi Prasannanın sözlərinə görə dünyanın əczaçılıq mərkəzi adını almış Hindistan çox əlverişli qiymətə və effektiv təsiri olan dərmanların istehsalı üzrə tanınır: “Biz beynəlxalq qeyri-hökumət təşkilatlarını ümumi dərman vasitələri, xüsusən retrovirus və vərəm əleyhinə dərman vasitələri ilə təmin edən dünyanın ən böyük təchizatçısıyıq. Hazırda 200-dən çox ölkəyə dərman ixrac edirik. Ümumdünya Səhiyyə Təşkilatının ümumi immunizasiya tələbləri baxımından Hindistan təxminən 65-70 faizlik payı ilə peyvəndlərin ən böyük tədarükçüsüdür.
Yalnız inkişaf etməkdə olan ölkələr deyil, həmçinin inkişaf etmiş iqtisadiyyatlar da Hindistan istehsalı olan dərmanlardan faydalanırlar. MDB regionu Hindistanın əczaçılıq sənayesi üçün potensial bazarlardan biridir və istehsalçılarımız bu regiona xüsusən də Azərbaycan bazarına daxil olmağa can atırlar. Azərbaycanın 850 milyon dollarlıq həcmə malik olan əczaçılıq bazarında əsas yeri idxal tutur. Türkiyə, Avropa, Çin və Rusiya Azərbaycana ən böyük dərman idxal edən tərəfdaşlardır, Hindistan isə ümumi idxalının 4-5 faizini tutmaqla həmin siyahıda 6-cı yerdədir”.
Azərbaycanla münasibətləri gücləndirmək istəyən 46 şirkəti təmsil edən 60-a yaxın nümayəndə ilə ölkəmizə gəldiyini deyən Lakşmi Prasannan ikitərəfli əməkdaşlıq üçün əla imkanların olduğunu vurğulayıb.
Hindistanın Azərbaycandakı müvəqqəti işlər vəkili Vinay Kumarın sözlərinə görə əczaçılıq sektoru Hindistanın Azərbaycanla əlaqələrində mühüm rol oynayır. Hindistanın Azərbaycana əczaçılıq məhsullarının ixracı öz potensialından aşağıdır və bu, iki ölkə arasındakı real imkanları əks etdirmir. Əczaçılıq sektoru iki ölkə arasında iqtisadi əlaqələrin inkişafı üçün böyük potensial vəd edir. Buna görə də biz davamlı fikir mübadiləsi aparmağa və bu sektorda daha geniş əməkdaşlığa ümid edirik".
Azərbaycan Respublikası İxracın və İnvestisiyaların Təşviqi Agentliyinin icraçı direktorunun müşaviri (AZPROMO) Tural Hacılı öz çıxışında Azərbaycan və Hindistan arasında ticarət əlaqələrinin inkişaf etdiyini, Azərbaycanın farmakoloji məhsullar idxal etdiyi ölkələr arasında Hindistanın ilk onluqda olduğunu qeyd edib. Diqqətə çatdırılıb ki, həm 2021-ci, həm də 2022-ci ildə idxal olunan farmakoloji məhsulların dəyəri 30 milyon dollar civarında olub.
"Makromed" şirkətinin rəhbəri Anar Lətifov isə ötən il ölkəmizə 520 milyon dollara yaxın dərman idxal olunduğunu bildirib. Onun sözlərinə görə, Azərbaycanda qeydiyyatda olan Hindistan əczaçılıq məhsullarının payı 2019-cu ildə 3.91, 2020-ci ildə 4.4, ötən il isə 6 faiz təşkil edib.
Tədbirin ikinci hissəsində isə Hindistanın əczaçılıq şirkətləri ilə ikitərəfli görüşlər keçirilib.
Tədbirə martın 17-də yekun vurulacaq.
Tovuz rayonunda yük maşını körpüdən çaya aşıb
İlham Əliyev Rusiyanın baş ravvinini qəbul edib
Rusiyadan idxal olunan kartofda zərərli orqanizm aşkarlanıb
VI Ümumdünya Mədəniyyətlərarası Dialoq Forumu çərçivəsində nazirlərin 5-ci görüşü keçirilir
İstanbulda 1 May faciəsi qurbanlarının xatirəsi anılıb
“Naxçıvan Bank”ın səhmlərinin bir hissəsini “Kapital Bank” alıb
Mədəniyyətlərarası Dialoq Forumu çərçivəsində Dini Liderlərin Bakı görüşü keçirilir
Azərbaycanın neft və qazının satış qiymətləri üzrə proqnoz açıqlanıb
İlham Əliyev TDT ölkələrinin din rəhbərlərini qəbul edib
Sabah Bakıda güclü külək əsəcək, 23° isti olacaq
İlham Əliyev Rusiyanın Şimali Qafqaz regionunun bir qrup müftilərini qəbul edib
Türkiyədə ölkədaxili reyslərdə aviabiletlər 30 % bahalaşıb
Bu il inflyasiya 3,5%, gələn il isə 4,2 % təşkil edəcək-AMB sədri
Suqovuşanda “Prezident Kuboku-2024” reqatasının açılış mərasimi keçirilib
Qərbi Azərbaycan Televiziyasının binasının açılışı olub
Azərbaycan əsrlər boyu mədəniyyətlərin qovuşduğu məkan olub-İlham Əliyev
Bu gündən vətəndaşlara tibbi arayışlar elektron şəkildə veriləcək
Ötən gün cinayət törətməkdə şübhəli bilinən 26 nəfər saxlanılıb
Naxçıvanda “QHT-lərin IV İnkişaf və Mübadilə Proqramı” başa çatıb
Bu gündən Azərbaycanda balıq ovuna moratorium qüvvəyə minir
İlham Əliyev Bakıda VI Ümumdünya Mədəniyyətlərarası Dialoq Forumunun açılış mərasimində iştirak edir
Azərbaycan nefti 89,10 dollara satılır
Bu gündən birinci siniflərə şagird qəbulu başlanır
Bakıda havada tozun miqdarı normadan artıqdır
Xəzər dənizində dalğanın hündürlüyü 2 metrə çatır-Faktiki hava