Bakıda Beynəlxalq Aqrobiznes Forumu təşkil edilib
Bakıda Beynəlxalq Aqrobiznes Forumu (International Agro Business Forum) keçirilib.
KOBİA-dan YeniAvropa-ya verilən məlumata görə, rəsmi şəxslərin və iş adamlarının iştirakı ilə keçirilmiş tədbirdə Kiçik və Orta Biznesin İnkişafı Agentliyinin (KOBİA) İdarə Heyətinin sədri Orxan Məmmədov kənd təsərrüfatı və qida sənayesinin KOB subyektlərinin daha çox fəaliyyət göstərdiyi sektorlardan olduğunu qeyd edib. Bildirilib ki, aqrar sahədə fəaliyyət yerli icmaların, regionların və bütövlükdə ölkənin dayanıqlı sosial-iqtisadi inkişafında aparıcı rola malikdir. Kənd təsərrüfatı həm də qlobal miqyasda ərzaq təhlükəsizliyinin əsas təminatçısı kimi çıxış edir. Ölkəmizdə də aqrobiznesin inkişafı sosial-iqtisadi inkişaf siyasətinin prioritetlərindəndir. “Azərbaycan 2030: sosial-iqtisadi inkişafa dair Milli Prioritetlər”dən irəli gələrək hazırlanmış “2022-2026-cı illərdə sosial-iqtisadi inkişaf Strategiyası”nda əsas fəaliyyət istiqamətlərindən biri də məhz dayanıqlı və rəqabətqabiliyyətli kənd təsərrüfatı və aqrobiznesin inkişaf etdirilməsidir. KOB subyektlərinin kənd təsərrüfatı və qida sənayesindəki geniş fəaliyyətini nəzərə alaraq KOBİA ölkəmizdə aqrobiznes fəaliyyətinin qurulmasına və inkişafına dəstək göstərən qurumlardandır. Agentlik aqrobiznesi prioritet sahə kimi diqqətdə saxlamaqla, istehsal, emal və satış istiqamətlərində aqrobiznesin inkişafına və sahibkarlıq subyektlərinin qarşılaşdıqları çətinliklərə dair mütəmadi olaraq maraqlı tərəflərlə müzakirələr aparır. Aqrar sığortanın tətbiqi, suvarma suyu ilə bağlı çətinliklər, keyfiyyətli aqronom və digər məsləhət xidmətlərinə əlçatanlıq, subsidiya və digər maliyyələşdirmə mexanizmlərinin təkmilləşdirilməsinə ehtiyac, bazarlara çıxış və s. aqrar sahədə fəaliyyət göstərən sahibkarları narahat edən məsələlərdəndir.
Orxan Məmmədov vurğulayıb ki, işğaldan azad edilmiş torpaqlarımızın böyük iqtisadi potensialı və kənd təsərrüfatı üçün münbit torpaq ehtiyatına malik olması aqrar sektor və qida sənayesi üçün yeni imkanlar yaradır. Dövlət-özəl əməkdaşlığı çərçivəsində bu potensialın reallaşdırılması qarşıdakı illərdə aqrar və qida sənayesinin, nəticədə ölkə iqtisadiyyatının inkişafına öz müsbət töhfəsini verəcək.
Forum çərçivəsində sərgi və ikitərəfli görüşlər, “Kənd təsərrüfatında Türkiyə - Azərbaycan: vizyon və əlaqələr” və “Aqrar sahədə həyata keçirilən innovasiyalar” mövzularında panel müzakirələr təşkil olunub.
Beynəlxalq Aqrobiznes Forumu martın 1-də də davam edəcək.
Azərbaycan-Serbiya mədəni əlaqələri müzakirə edilib
Azərbaycan-Qazaxıstan hərbi kəşfiyyat üzrə əməkdaşlıq sazişi təsdiqlənib
Bakıda Azərbaycan-Somali əməkdaşlığıi müzakirə edilib
UEFA Superkubokunun qalibi Varşavada müəyyənləşəcək
Sinoptiklərdən güclü külək xəbərdarlığı
Sumqayıtda azyaşlı övladını dənizdə boğan ata həbs edilib
Sabah Bakıda qısamüddətli yağış yağacaq,32° isti olacaq
AFFA Hakimlər Komitəsinə belçikalı sədr təyin edilib
Paytaxtda 36 şagird orta məktəbi qızıl medalla bitirib
Afrika ölkələri Azərbaycan üçün hər zaman prioritet olub-Nazir
Sinoptiklərdən leysan və dolu xəbərdarlığı
Kolleclərə tələbə qəbulu üçün 10 min 930 plan yeri ayrılıb
Bölgələrdə qeyri-sabit hava şəraiti davam edib-Faktiki hava
Bank kartlarından oğurluq etməkdə şübhəli bilinən 2 nəfər saxlanılıb
Ötən gün cinayət törətməkdə şübhəli bilinən 46 nəfər saxlanılıb
“Paris-2024”: Boksçularımızın rəqibləri müəyyənləşib
Paytaxt üzrə bağçalara qəbul başlanır
Azərbaycan nefti 85,34 dollara satılır
Bu gün paytaxtın bir hissəsində qaz olmayacaq
Paris Olimpiyadasında ilk dünya rekordu qeydə alınıb
Daşkənddə Azərbaycan-Özbəkistan siyasi məsləhətləşmələri keçirilib
Kamran Əliyev ŞƏT-in baş prokurorlarının konfransında iştirak edib
Qazaxıstan neftinin BTC ilə tranzit həcmi 1 milyon tona yaxınlaşır
Ermənistan Azərbaycanla sülh sazişi imzalamaq üçün təkliflər paketi hazırlayır
Paytaxtın mərkəzi küçəsi 3 günlüyə təmirə bağlanır